Tramp pahražaje ŭzarvać hazavaje radovišča Paŭdniovy Pars, kali Iran atakuje Katar
«Z takoj siłaj, jakuju Iran nikoli nie bačyŭ», — napisaŭ prezident ZŠA.
Prezident ZŠA Donald Tramp pahražaje ŭzarvać hazavaje radovišča Paŭdniovy Pars, kali Iran atakuje Katar.
Tramp apublikavaŭ doŭhi post na svajoj płatformie Truth Social pra ataku na iranskaje hazavaje radovišča Paŭdniovy Pars. Jon piša, što ZŠA «ničoha nie viedali» pra izrailskuju ataku, ale kali Iran znoŭ naniasie ŭdar u adkaz pa Katary, Vašynhton pojdzie na eskałacyju.
Pavodle Trampa, Izrail udaryŭ pa radoviščy «sa złości» i paraziŭ «adnosna nievialikuju častku ŭsiaho abjekta». Zatym Iran, jaki «hetaha nie viedaŭ», u adkaz atakavaŭ katarski zavod zvadkavanaha pryrodnaha hazu ŭ Ras-Łafanie, što, pa słovach prezidenta ZŠA, było «nieapraŭdana i niespraviadliva».
Izrail bolš nie budzie atakavać Paŭdniovy Pars, abiacaje Tramp, nazyvajučy radovišča «nadzvyčaj važnym i kaštoŭnym».
Ale kali Iran atakuje Katar, to ŭžo ZŠA «ŭzarvuć» heta radovišča «z takoj siłaj, jakuju Iran nikoli nie bačyŭ».
Tramp dadaŭ, što nie choča dapuskać «takoha ŭzroŭniu hvałtu i razbureńniaŭ z-za doŭhaterminovych nastupstvaŭ» dla Irana, «ale kali ZPH Katara znoŭ budzie atakavany, jon zrobić heta biez vahańniaŭ».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary