Jak prachodziać palavyja zbory ŭ školnikaŭ — šturmavać akopy i raźbirać aŭtamaty vučać i dziaŭčat
Voś jak vyhladaje łahier na bazie voinskaj čaści pad Minskam.
Dziesiacikłaśniki Minskaha rajona prachodziać navučalna-palavyja zbory na bazie voinskaj čaści 3310. Zbory zrabili abaviazkovym etapam kursa dapryzyŭnaj padrychtoŭki, ad jakoha zaležyć hadavaja adznaka, piša «Prystaličča».
Sioleta tut sabrali 176 chłopcaŭ i dziaŭčat ź dziesiaci škoł. Navučency pryjechali z Baraŭlan, Zasłaŭja, Hatava, Ždanovičaŭ, a taksama ź Minska.
Sfarmavali šeść uzvodaŭ pa 30 čałaviek.
Padjom — a 7‑j hadzinie ranicy, dalej zaradka, pastrajeńni, zaniatki. Tut prachodzić ahniavaja, taktyčnaja, inžyniernaja, miedycynskaja padrychtoŭka.
«Miedycynskaja padrychtoŭka ciapier doŭžycca kala 20 hadzin zamiest raniejšych čatyroch-vaśmi. Ahniavaja — da 40 hadzin», — kaža dyrektar łahiera, kiraŭnik vajenna-patryjatyčnaha vychavańnia Baraŭlanskaj SŠ №2 Jaŭhien Civunoŭ.
Zbory padoŭžyli da dziesiaci sutak i pieranieśli na bazu vajskovaj čaści, tady jak raniej jany doŭžylisia piać dzion i prachodzili prosta ŭ škołach.
Telefony tut vydajuć na dźvie hadziny na dzień. Dziaciej vučać prybirać łahier, idealna zapraŭlać łožak, chadzić strojem.
Naraŭnie z chłopcami ŭsie vyprabavańni prachodziać i niekalki dziaŭčat.
«My trenirujem šturm akopaŭ i budynkaŭ, razborku aŭtamataŭ, miedycynu, tapahrafiju, nadziavajem procivahazy i AZK (ahulnavajskovy achoŭny kamplekt), — raskazvajuć dziaŭčaty.
Akramia zaniatkaŭ u školnikaŭ jość kulturnaja prahrama: viktaryny na viedańnie historyi, patryjatyčnyja filmy i vajenna-patryjatyčnaje karaokie.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
Huhł: soros staťja nato 1993