Polski prezident Karal Naŭrocki padpisaŭ pastanovu, jakaja adkryvaje mahčymaść dla znachodžańnia na terytoryi krainy padraździaleńniaŭ uzbrojenych sił dziaržaŭ — udzielnic NATA.
Pavodle paviedamleńnia Biuro nacyjanalnaj biaśpieki Polščy, havorka idzie pra apieracyju NATA pad nazvaj «Uschodni vartavy» (Eastern Sentry), meta jakoj — umacavać abaronu ŭschodniaha fłanha Jeŭropy.
10 vieraśnia kala dvaccaci rasijskich bieśpiłotnikaŭ parušyli pavietranuju prastoru Polščy. Hetaja padzieja stała katalizataram dla ŭzmacnieńnia supracoŭnictva z sajuźnikami. Užo 11 vieraśnia Varšava źviarnułasia da partnioraŭ pa aljansie z prośbaj dać dadatkovyja sistemy supraćpavietranaj abarony i technałohii baraćby z dronami.
12 vieraśnia hienieralny sakratar NATA Mark Rute aficyjna abviaściŭ pra start apieracyi «Uschodni vartavy». Jon padkreśliŭ, što hałoŭnaja zadača inicyjatyvy — uzmacnieńnie biaśpieki ŭschodnich miežaŭ aljansu.
Da apieracyi dałučacca vojski Vialikabrytanii, Hiermanii, Danii i Francyi. Ich prysutnaść u Polščy pavinna pavysić zdolnaść krainy abaraniacca ad mahčymych dalejšych pravakacyj i atak.
Rašeńnie Naŭrockaha i chutkaje razhortvańnie apieracyi śviedčać pra ŭzmacnieńnie roli Polščy jak klučavoha apornaha punkta NATA va Uschodniaj Jeŭropie. Pryciahnieńnie dadatkovych vojskaŭ i technałohij moža stać važnym faktaram strymlivańnia Rasii na fonie jaje ahresiŭnych dziejańniaŭ.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary