Pasoł: Ukraina viadzie pazityŭnyja pieramovy z ZŠA ab nabyćci rakiet «Tamahaŭk»
Zajavy Stefanišynaj prahučali paśla taho, jak Tramp daŭ zrazumieć, što nie razhladaje mahčymaści adpraŭki «Tamahaŭk» va Ukrainu.
Pasoł Ukrainy ŭ ZŠA Volha Stefanišyna zajaviła, što jaje kraina viadzie sa Štatami «pazityŭnyja» pieramovy ab nabyćci rakiet «Tamahaŭk» i inšaj zbroi dalniaha dziejańnia. Pra heta Stefanišyna zajaviła ŭ efiry teleprahramy Balance of Power, piša «Ukrainskaja praŭda».
Zajavy Stefanišynaj prahučali paśla taho, jak Tramp daŭ zrazumieć, što nie razhladaje mahčymaści adpraŭki «Tamahaŭk» va Ukrainu.
«Abmierkavańnie jašče praciahvajecca, ale ŭ nas jość šmat delehacyj, jakija pracujuć nad pavieličeńniem dastupnych finansavych resursaŭ dla nabyćcia bolšych vajennych mahčymaściaŭ u ZŠA. Heta nie tolki Tomahawk, ale i roznyja typy inšych rakiet dalniaha i blizkaha dziejańnia, i ja mahu tolki skazać, što heta davoli pazityŭna», — skazała jana.
Na pytańnie pra šmatlikija rasijskija ataki na enierhietyčnuju infrastrukturu Ukrainy na praciahu apošnich tydniaŭ Stefanišyna adkazała: «Heta, biezumoŭna, vielmi ciažki pieryjad dla Ukrainy».
Pasoł adznačyła, što Ukraina pracuje nad tym, kab atrymać «bolš srodkaŭ supraćpavietranaj abarony».
Jana dadała, što lubaja admova čynić cisk na Rasiju budzie ŭsprymacca jak «niešta, što daje im (rasijanam — red.) zialonaje śviatło dla naroščvańnia svaich mahčymaściaŭ».
Tramp 3 listapada zajaviŭ, što zaraz nie razhladaje mahčymaści pieradačy rakiet «Tamahaŭk» Ukrainie.
Da hetaha vydańnie CNN paviedamlała, što Pientahon daŭ zialonaje śviatło na pastaŭku Ukrainie rakiet Tomahawk, adnak finalnaje rašeńnie budzie prymać Donald Tramp.
Hienieralny sakratar NATO Mark Rute raniej zajaŭlaŭ, što pieradača Ukrainie rakiet «Tamahaŭk» zastajecca «na razhladzie» ŭ Trampa.
Prezident Uładzimir Zialenski raspavioŭ, što padčas sustrečy Tramp nie skazaŭ «nie» adnosna mahčymaści pastaŭki dalnabojnych rakiet, ale nie skazaŭ i «tak».
Ciapier čytajuć
Łosik raskazaŭ, jak Babaryku katavali ŭ navapołackaj kałonii15
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary