«Marzaluk — heta naš zubr». Jak praŭładny historyk niečakana staŭ trendam dla zumieraŭ u tyktoku
U tyktoku razyšlisia videa z praŭładnym historykam Iharam Marzalukom. Karystalniki pieratvaryli jahonyja vystupy ŭ patryjatyčnyja klipy, i prapahandyst staŭ trendam, zaŭvažyła BGmedia.
Ihar Marzaluk. Fota: «Naša Niva»
Ihar Marzaluk — doktar histaryčnych navuk i adzin z samych viadomych praŭładnych historykaŭ u krainie. Z 2010‑ch hadoŭ jon aktyŭna padtrymlivaje palityku Łukašenki i rehularna źjaŭlajecca ŭ efirach dziaržaŭnych kanałaŭ, dzie tłumačyć histaryčnyja padziei, časta z «patrebnaha» punktu hledžańnia. Ale niečakana častki intervju ź jahonym udziełam, a taksama vystupaŭ, trapili ŭ tyktok i stali papularnymi siarod zumieraŭ — maładych biełarusaŭ, jakija znajšli ŭ jahonych słovach novy sens.
U videa, jakija nabyvajuć papularnaść, Ihar Marzaluk raskazvaje pra siaredniaviečnuju historyju prodkaŭ biełarusaŭ. U ich jon razburaje prarasijskija naratyvy, dzie biełarusy ŭ historyi Uschodniaj Jeŭropy pakazanyja jak «małodšyja braty» rasiejcaŭ.
«Vyhladaje, što ŭsio naadvarot. Biełaruskaje Paleśsie — zychodnaja terytoryja, dzie adbyłosia afarmleńnie i naradžeńnie ahulnasłavianskaj supolnaści. Słavianskaja mova zahučała ŭpieršyniu ŭ śviecie na ziemlach paŭdniovaj i paŭdniova-ŭschodniaj Biełarusi. Mienavita adsiul na praciahu nastupnych stahodździaŭ adbyvałasia zavajavańnie i kałanizacyja słavianami inšych jeŭrapiejskich ziamiel», — kaža Marzaluk.
Historyk taksama vykazaŭsia pra rasiejcaŭ, jakija prynižajuć ukraincaŭ i biełarusaŭ, pakazvajučy ich rolu ŭ historyi jak druhasnuju, a rasiejcaŭ — jak pieršasnuju:
«Masavaja rasiejskaja samaśviadomaść uźnikła nie na ŭzroŭni elity — nie ŭ časy Puškina ci Lermantava. Jana sfarmiravałasia značna paźniej — u pieryjad leninska-stalinskaj madernizacyi. Kali biełarusy nazyvali siabie «tutejšymi», to rasiejcy — «pskopskimi». Razumieńnie ajčyny jak adzinaha mientalnaha i nacyjanalnaha cełaha — davoli poźniaja źjava».
@narezka.bielarus #biełaruś #rośsija #russkije #biełaruś #biełaruskiciktok ♬ I Lose It - SUNSHXNE
Nabyli papularnaść i bolš karotkija roliki z histaryčnymi faktami pra asobaŭ historyi Biełarusi. U adnym ź ich Marzaluk uzhadvaje Sałamona Rysinskaha — pieršaha biełarusa, jaki «zafiksavaŭ svaju biełaruskaść» u XVI stahodździ.
U inšym historyk uzhadvaje Usiasłava Čaradzieja, jaki «ličyŭ Noŭharad svajoj kałonijaj»:
«Jon mieŭ namier i polskuju poŭnač zachapić, daminavać va ŭsioj hetaj vialičeznaj prastory. Nierealizavany prajekt impierski».
@narezka.bielarus #biełaruś #novhorod #rośsija #biełaruskiciktok #impierija ♬ som original - Nico News
Mnohim biełaruskim karystalnikam spadabalisia hetyja videa: u kamientarach jany adznačajuć, što pryjemna ździŭlenyja vykazvańniami historyka, jaki pisaŭ im padručniki. A niekatoryja pišuć, što ŭ kaštoŭnaściach Marzaluk im sapraŭdy blizki.
«Marzaluk — heta naš zubr».
«Naš vaŭkałak!».
Vydaŭ bazu».
«Pavažaju hetaha historyka».
«Choć u čymści ź im zhodny», — pišuć ludzi, uličvajučy ŭsiu jahonuju bijahrafiju.
«Raniej Marzaluk vystupaŭ u kałonii, što ekstremisty — vorahi narodu. A apošni raz — što treba ŭmieć daravać»
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY
Marzaluk pra novy histaryčny muziej: Sustrakać naviedvalnikaŭ buduć samyja važnyja ŭ nacyjanalnaj historyi asoby
Marzaluk: Hierb Pahonia nikoli nie byŭ zabaronieny!
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary
Cpadar Marzaluk, ja pavažaju vašu pracu, sam nie smoh by tak zamazacca, a vas mocna pavažaju , praca brudnaja alež duža patrebnaja. Rymskija zbory zamiest manholskich miačeciej, ideałohija za niezaležnaść i h.d.. Nie čytaj bracia , maskavacentykaŭ, usio budzie pa našamu ŭ RB (VKL) usia roŭna