Rute: Krainy NATA ŭžo apiaredžvajuć Rasiju nie tolki ŭ jakaści bojeprypasaŭ, ale i ŭ kolkaści
Hienieralny sakratar NATA Mark Rute zajaviŭ, što aljans ciapier vypuskaje bolš bojeprypasaŭ, čym Rasija, i heta śviedčyć pra pierałom u šmathadovaj tendencyi, kali Maskva pieraŭzychodziła Zachad u abjomach vytvorčaści, piša The Washington Times.
Mark Rute nahadaŭ, što jašče ŭ lipieni rasijskija zavody vypuskali ŭ try razy bolš bojeprypasaŭ za try miesiacy, čym NATA za hod, ale ciapier situacyja źmianiłasia. Pra heta jon paviedamiŭ na forumie NATO-Industry Forum u rumynskim Buchareście.
Pavodle słoŭ hienieralnaha sakratara NATA, navat kali raniej aljans sastupaŭ Rasii ŭ kolkaści vypuščanych snaradaŭ, NATA zaŭsiody mieła pieravahu ŭ jakaści ŭzbrajeńnia. Adnak nieabchodna było chutka pavialičyć i abjomy vytvorčaści dy skaracić terminy pastavak.
«Pa ŭsioj terytoryi aljansu ciapier adkryvajucca dziasiatki novych vytvorčych linij, a tyja, što jość, pašyrajucca», — padkreśliŭ Rute.
Jon adznačyŭ, što NATA vyrablaje ŭžo ciapier bolš bojeprypasaŭ, čym za apošnija dziesiacihodździ, ale praca praciahvajecca. Asablivaja ŭvaha budzie nadadzienaja pavieličeńniu vytvorčaści srodkaŭ SPA i tannych pierachopnikaŭ bieśpiłotnikaŭ, dzie «kolkaść maje vyrašalnaje značeńnie».
Rute taksama padkreśliŭ, što mocnaja abaronnaja pramysłovaść — asnova mocnaha aljansu, i nahadaŭ, što krainy-čalcy damovilisia pavialičyć vydatki na abaronu da 5% VUP da 2035 hoda.
«Heta surjoznyja vydatki, ale bieź ich my nie zdolejem harantavać svaju biaśpieku», — skazaŭ jon.
Pavodle słoŭ hienieralnaha sakratara NATA, krainy aljansu płanujuć nabyvać bolš sučasnaj techniki — samaloty, tanki, karabli, drony, bojeprypasy, a taksama srodki kibierabarony i kaśmičnyja technałohii.
Rute adznačyŭ, što poŭnamaštabnaje ŭvarvańnie Rasii va Ukrainu ŭ 2022 hodzie stała najbolš vidavočnym prykładam pahrozy, ź jakoj sutykajecca aljans. Pry hetym niebiaśpieka nie źniknie navat paśla zakančeńnia vajny, bo Rasija zastaniecca destabilizacyjnaj siłaj u Jeŭropie i śviecie.
«Rasija nie adna. Jana supracoŭničaje z Kitajem, Paŭnočnaj Karejaj, Iranam i inšymi krainami. Jany ŭzmacniajuć svaju vajskovuju kaapieracyju i rychtujucca da praciahłaha supraćstajańnia. My nie možam być naiŭnymi — treba być hatovymi», — zajaviŭ kiraŭnik NATA.
Tramp zajaviŭ, što treba paŭhoda, kab navučycca vykarystoŭvać rakiety «Tamahaŭk», ale ZŠA nie buduć vučyć hetamu inšych
Hienieralny sakratar NATA padtrymaŭ ideju Trampa spynić vajnu va Ukrainie pa linii frontu
«My ŭ 25 razoŭ bolšyja». Hiensak NATA zaklikaŭ nie pierabolšvać vajskovy patencyjał Pucina
«Palavańnie na najbližejšaha miechanika». Mark Rute paśmiajaŭsia z Rasii praz pałomku jaje padvodnaj łodki
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA48
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary