Rasija vyvieła z ładu ŭsie CES bujnoj ukrainskaj dziaržaŭnaj kampanii
U vyniku samaj maštabnaj za ŭsiu vajnu ataki na enierhietyčnuju sistemu Ukrainy Rasija vyvieła z ładu ŭsie dziaržaŭnyja ciepłaelektrastancyi krainy, jakija naležać kampanii «Centrenierha». Pra heta paviedamiła ŭ aficyjnaj zajavie samo pradpryjemstva.
U paviedamleńni havorycca, što pa enierhietyčnych abjektach było vypuščana biesprecedentnaja kolkaść rakiet i bieśpiłotnikaŭ, jakija niekalki chvilin zapar bili pa tych ža stancyjach, što niadaŭna adnavili paśla minułych atak u 2024 hodzie.
«Siońnia nočču vorah adnačasova atakavaŭ usiu našu hienieracyju. Našy CES — nie vajskovyja abjekty, u nas pracujuć cyvilnyja ludzi. My spynilisia. Ciapier — nul hienieracyi. Nul! My stracili toje, što adnaŭlali ŭ kruhłasutačnym režymie. Całkam!» — paviedamlaje «Centrenierha».
Niahledziačy na maštab razbureńniaŭ, pradpryjemstva paabiacała adnavić pracu.
«Bo inšaha vybaru niama. Ukraina niazłomnaja! Ukraincaŭ nie złamać!», — havorycca ŭ paviedamleńni.
Kampanija «Centrenierha» kiruje tryma bujnymi ciepłaelektrastancyjami — Źmijoŭskaj u Charkaŭskaj vobłaści, Trypolskaj u Kijeŭskaj i Vuhlahorskaj u Danieckaj (apošniaja raźmieščanaja na terytoryi, akupavanaj rasijskimi vojskami).
Ataka adbyłasia nočču 8 listapada. Rasijskaja armija vykarystała rakiety roznych typaŭ i drony-kamikadze, što pryviało da surjoznych pierabojaŭ u enierhazabieśpiačeńni pa ŭsioj Ukrainie.
U šerahu rehijonaŭ byli ŭviedzienyja avaryjnyja adklučeńni elektraenierhii. U Kijevie śviatło vyklučali dvojčy, a hrafiki stabilizacyjnych adklučeńniaŭ pavialičyli. Asabliva mocna paciarpieŭ Kramiančuh, jaki całkam zastaŭsia biez elektrazabieśpiačeńnia.
Taksama byli prablemy z transpartam: ciahniki ruchalisia z zatrymkami, a prachod praź dziaržaŭnuju miažu Ukrainy na niekalki hadzin spyniaŭsia praz zboj u bazie danych mytni, vyklikany paškodžańniem enierhietyčnych abjektaŭ.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary