Padčas pošukaŭ chłopčyka ŭ Minskaj vobłaści źnik sabaka-vyratavalnik
Treci dzień zapar u Minskaj vobłaści šukajuć 14‑hadovaha padletka Maksima Ziańkoviča ź Minska. U subotu jon znachodziŭsia ŭ vioscy Karboŭskaje (Biarezinski rajon, Minskaja vobłaść), kala 10:00 źjechaŭ na viełasipiedzie ŭ nieviadomym napramku i nie viarnuŭsia. U pošukach prymajuć udzieł ekstrannyja słužby i vałanciory — usiaho bolš za 550 čałaviek, siarod ich kinołahi sa svaimi sabakami-vyratavalnikami. Ale adzin — pa mianušcy Bierta — źnik padčas pošukaŭ, piša Onliner.
Viadoma, što sabaka pajšoŭ na pach čałavieka i nie viarnuŭsia.
Afarboŭka čorna-biełaja, pa charaktary sabaka vielmi dobry. Uładalnik miarkuje, što, mahčyma, Bierta začapiłasia za amunicyju i nie moža pierasoŭvacca. Ci ž, vierahodna, jaje zabraŭ čałaviek, vyrašyŭšy, što žyvioła zhubiłasia.
«U toj vobłaści, mierkavana, bačyli čałavieka ŭ ciomnym abo kamuflažnym kaściumie. Taksama sabaka moh prosta supravadžać čałavieka, tamu što jon navučany nie kidać znojdzienaha, kali jon pierasoŭvajecca. Zvyčajna my adsočvajem sabaku pa navihacyi, ale mienavita siońnia vyjechali ekstranna, nie z domu, i z saboj navihacyi z ašyjnikam nie było», — havorycca ŭ abjavie ab źniknieńni.
Kali vy bačyli Biertu ci viedajecie, dzie jana moža znachodzicca, paviedamicie pa numary atrada «Anioł» 7733.
Pa danych na viečar niadzieli dzicia dahetul nie znojdziena. Jak paviedamili ŭ svaich sacsietkach pradstaŭniki atrada» Anioł», u pošukach zadziejničany bolš za 550 čałaviek: heta supracoŭniki ŭsich viedamstvaŭ, vałanciory z roznych rehijonaŭ, kinałahičnyja raźliki. Uviedzieny «čyrvony ščyt», patrebna dapamoha dobraachvotnikaŭ.
UPD. Bierta znajšłasia, pra heta paviedamili kinołahi ŭranku 10 listapada.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary