MZS: Bolš za tysiaču litoŭskich fur u Biełarusi pieramieściać na śpiecstajanki ŭ rajonie «Katłoŭki»
Litoŭskija fury, jakija skapilisia na terytoryi Biełarusi na padjezdnych šlachach da punktaŭ propusku «Kamienny Łoh» i «Bieniakoni», u metach zabieśpiačeńnia biaśpieki i zachavanaści pieramieściać u śpiecyjalna abstalavanyja miescy stajanki ŭ rajonie «Katłoŭki».
Pra heta havorycca ŭ zajavie Ministerstva zamiežnych spraŭ Biełarusi ŭ suviazi z dalejšym raźvićciom situacyi na biełaruska-litoŭskaj dziaržaŭnaj miažy, paviedamlaje BiełTA.
«U suviazi z adnabakovym zakryćciom Litvoj punktaŭ propusku na biełaruska-litoŭskaj miažy na terytoryi Biełarusi skapiłasia zvyš 1100 hruzavych transpartnych srodkaŭ litoŭskich pieravozčykaŭ. U metach zabieśpiačeńnia biaśpieki i zachavanaści dadzienych transpartnych srodkaŭ, skancentravanych pieravažna na padjezdnych šlachach da punktaŭ propusku «Kamienny Łoh» i «Bieniakoni», biełaruskam bokam pryniata rašeńnie ab ich pieramiaščeńni ŭ śpiecyjalna abstalavanyja miescy stajanki ŭ rajonie punkta propusku «Katłoŭka», — zajavili ŭ MZS.
Kiroŭcam pradastaŭlena mahčymaść pakinuć terytoryju Biełarusi i pierabracca ŭ miescy svajho pastajannaha pražyvańnia da pryniaćcia litoŭskim bokam rašeńnia ab poŭnamaštabnym adnaŭleńni pracy miažy.
«Hatovyja akazać nieabchodnaje sadziejničańnie tym kiroŭcam, jakija z tych ci inšych pryčyn nie mohuć pakinuć terytoryju Biełarusi», — adznačyli ŭ biełaruskim źniešniepalityčnym viedamstvie.
«Padkreślivajem, što ŭsie dadatkovyja vydatki hruzapieravozčykaŭ, adpraŭnikoŭ i atrymalnikaŭ hruzaŭ u Litvie, inšych dziaržavach Jeŭrapiejskaha sajuza i za jaho miežami vyklikanyja vyklučna nieabdumanymi, valuntarysckimi i palityzavanymi dziejańniami litoŭskich uład», — zajavili ŭ MZS.
Paśla zakryćcia litoŭskaj miažy ŭ Biełarusi zachraśli kala piaci tysiač litoŭskich fur.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary