MZS Biełarusi paviedamiŭ, kali adkryjecca miaža dla litoŭskich hruzavikoŭ
«MZS Biełarusi sa ździŭleńniem adznačaje biespadstaŭnyja zajavy litoŭskich čynoŭnikaŭ».
MZS Biełarusi ŭ fejsbuku apublikavała kamientaryj na sproby litoŭskich čynoŭnikaŭ vyrašyć prablemu litoŭskich fur, jakija zachraśli ŭ Biełarusi.
«MZS Biełarusi sa ździŭleńniem adznačaje biespadstaŭnyja zajavy litoŭskich čynoŭnikaŭ ab «zabaronie» na viartańnie litoŭskich hruzavikoŭ z terytoryi našaj krainy.
Biełaruś nikomu i ničoha nie zabaraniała. Miaža zakrytaja pa rašeńni litoŭskaha boku, i mienavita Vilnia niasie adkaznaść za jaho admienu», — havorycca ŭ kamientary.
«Jak tolki Litva zdymie abmiežavańni, usie hruzavyja aŭtamabili zmohuć viarnucca dadomu ŭ paradku žyvoj čarhi», — daje kateharyčny adkaz MZS Biełarusi.
«Stvarajecca ŭražańnie, što zamiest realnych krokaŭ pa vyrašeńni situacyi, jakuju jany sami ž i stvaryli, litoŭskija ŭłady addajuć pieravahu ŭvodzić u zman ułasnych pieravozčykaŭ i kiroŭcaŭ, sprabujučy pierakłaści adkaznaść na Biełaruś», — dadaje MZS.
Biełaruski bok zajaŭlaje, što spadziajecca «na chutčejšaje adnaŭleńnie narmalnaj pracy miažy i kanstruktyŭnyja dvuchbakovyja adnosiny».
U Biełarusi zachraśli kala 5 tysiač litoŭskich ciahačoŭ i paŭpryčepaŭ, a Minsk zabaraniaje ich ruch pa krainie. Litva vykazvała nadzieju, što punkt «Salečniki» («Bieniakoni»), niahledziačy na zakrytuju da 30 listapada miažu, časova budzie adkryty dla propusku furaŭ, ale Biełaruś admaŭlajecca heta rabić.
Punkty propusku na miažy byli zakrytyja Litvoju da 30 listapada ŭ adkaz na hibrydnyja ataki, praź jakija ŭźnikła pahroza hramadzianskaj avijacyi, zakryvalisia aeraporty, byli zakranuty niekalki dziasiatkaŭ rehularnych rejsaŭ, paciarpieli niekalki dziasiatkaŭ tysiač pasažyraŭ.
Učora vilenski aeraport znoŭ spyniaŭ pracu praz zalot u krainu pavietranych šaroŭ ź Biełarusi
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»28
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary