«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
Mełstroj publična adreahavaŭ na pryznańnie jaho kanałaŭ i simvoliki «ekstremisckimi materyjałami», adznačyŭšy, što nie razumieje, jak možna abvinavacić u ekstremiźmie ludziej, jakija prosta zhadali jaho imia.
«Narezčykam maich rolikaŭ, skažu ščyra i prosta — niebiaśpiečna. Ščyra, ja nie ŭjaŭlaju sabie ŭ hałavie, jakim čynam buduć padvodzić ludziej, jakija prosta skazali słova «Mełstroj», pad ekstremizm. Ja hetaha zusim nie razumieju.
Naprykład, dziesiacihadovaje dzicia ŭ škole kryknie «płaki-płaki», i prosta zalataje AMAP, kładzie jaho ŭ padłohu i viazie ŭ IČU? Heta ž tryźnieńnie, nie?» — skazaŭ błohier u videa, apublikavanym u jaho sacsietkach.
Nahadajem, što 4 listapada 2025 hoda sud Centralnaha rajona Minska na inicyjatyvu HUBAZiK MUS pryznaŭ usie kanały Mellstroy na roznych płatformach, a taksama jaho łahatyp i vadzianyja znaki ekstremisckimi materyjałami.
MUS śćviardžaje, što padčas kastryčnickaha konkursu Mellstroy.game błohier praź internet zaklikaŭ ludziej da supraćpraŭnych dziejańniaŭ, u tym liku da parušeńnia hramadskaha paradku. Za ŭdzieł u hetych «čelendžach» siłaviki ŭžo zatrymali niekalki čałaviek.
Adzin z najbolš aburalnych epizodaŭ adbyŭsia, kali 19‑hadovy minčuk, udzielnik konkursu Mellstroy, biehaŭ pa horadzie ŭ adnych majtkach, kryčaŭ i skoknuŭ u vadajom. Sud prysudziŭ jamu 10 sutak aryštu za «drobnaje chulihanstva».
Taksama byli zafiksavanyja vypadki, kali ŭdzielniki čelendžaŭ razmaloŭvali pašparty, załazili na aŭtamaty z cackami i zdymali svaje dziejańni na videa. Milicyja paviedamiła, što praciahvaje šukać inšych, chto «prajaŭlaje nieadekvatnyja pavodziny».
Chto taki Mellstroy
Andrej Burym rodam z Homiela, jamu 26 hadoŭ. Jon staŭ viadomy ŭ 2020 hodzie paśla skandalnaha strymu, padčas jakoha źbiŭ dziaŭčynu ŭ žyvym efiry. Za heta atrymaŭ paŭhoda papraŭčych rabot i štraf.
Z taho času Mellstroy žyvie za miažoj i viadzie treš-strymy i čelendžy z abiacańniami vialikich hrašovych uznaharod. U jaho bolš za 3,6 miljona padpisčykaŭ u tyktoku i kala 3 miljonaŭ u instahramie.
Što pahražaje padpisčykam
Paśla rašeńnia suda ŭsie kanały Mellstroy, jaho łahatyp i navat vadzianyja znaki ličacca ekstremisckimi materyjałami.
Heta značyć, što padpiska, repost, vykarystańnie łahatypa ci navat kamientar ź jaho nikam mohuć być rascenienyja biełaruskimi siłavikami jak udzieł u raspaŭsiudzie ekstremisckich materyjałaŭ.
«Naša Niva» — bastyjon biełaruščyny
PADTRYMAĆCiapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary