Pra biełaruski hurt Soyuz bolš viedajuć zamiežniki, čym suajčyńniki
My vyrašyli vypravić hetuju niespraviadlivaść. Tym bolš što ŭ ich 170 tysiač słuchačoŭ na Spotify štomiesiac i niadaŭna vyjšaŭ pieršy biełaruskamoŭny albom «Krok».
Los «Kroku» možna paraŭnać ź losam šmatlikich biełarusaŭ, jakija, jak tyja bieduiny, šmat vandrujuć pa čužych miescach, hublajuć starych siabroŭ i znachodziać novych.
Praca nad albomam doŭžyłasia try hady. Pačynałasia jana ŭ Minsku, a praciahvałasia ŭžo ŭ San-Paŭłu, Varšavie dy Stakholmie. Za hety čas źmianiŭsia i skład hurta Soyuz — z byłoha składu zastalisia Alaksiej Čumak i Mikita Arłoŭ. U Polščy, kudy chłopcy vyjechali ŭ 2022 hodzie, da ich dałučylisia dva polskija muzyki.
Taksama ŭ treku «Krok» možna pačuć brazilca Cima Biernandesa i japonku Manami Kakuda. Vypuściŭ albom brytanski łejbł Mr Bongo.
Jašče ŭ 2020 hodzie «Anłajnier» załučaŭ Soyuz u śpis talenavitych biełaruskich muzykaŭ, na jakich varta źviarnuć uvahu. Adznačałasia: «praz dva albomy kalektyŭ, jaki maje i vydatnuju krytyku ad viadučych suśvietnych vydańniaŭ, i jadro addanych fanataŭ, i (u pieršuju čarhu, viadoma) vielmi pierakanaŭčy i samabytny materyjał, usio roŭna zastajecca niedalublenym i niedałaskanym z boku patrabavalnaha biełaruskaha słuchača».
Ciapier hurt Soyuz maje kala 170 tysiač słuchačoŭ štomiesiac na Spotify, a jaho ŭdzielniki razdajuć intervju na zamiežnych movach. Pry hetym dla biełarusaŭ Soyuz usio hetak ža zastajecca terra incognita.
Imavierna, raspovied treba pačynać z nazvy, jakaja kamuści moža padacca pravakacyjnaj. Ale raniej chłopcy kazali, što mieli na ŭvazie svoj tvorčy sajuz.
Svoj styl jany niekali žartaŭliva abaznačyli jak fiejk-džaz. Bo vytoki ich tvorčaści treba sapraŭdy šukać u džazie, ale ž adnym im usio nie abmiažoŭvajecca.
«Ciapier usio składajecca ź pierapracoŭki minułaha. Maje sens asoba vykanaŭcy, jaho ŭnutranaja prydurka, dziakujučy jakoj muzyka stanovicca asablivaj. A ŭsie jarłyki — prosta treba rastłumačyć słuchaču, z čym prykładna jon budzie mieć spravu. Tamu treba rabić prastornyja apisańni, kab čałaviek jak-niebudź ułaviŭ nastroj», — kazaŭ raniej bas-hitaryst Mikita Arłoŭ.
Chłopcy pryznavalisia, što im značna bolš padabajecca vystupać na zakrytych kłubnych kancertach, čym na vialikich fiestyvalach — bo muzyka hučyć bolš atmaśfierna ŭ takim farmacie.
Alaksiej Čumak, jaki piša muzyku i tekst, niejak raskazvaŭ u intervju, što zdarałasia navat takoje, kali jon pisaŭ słovy dla pieśni ŭžo ŭ hrymiorcy niepasredna pierad zapisam dla albomu. Bo dla jaho hałoŭnaje — heta miełodyja, a voś sačynieńnie tekstu jon zvyčajna adkładaje na potym, bo doŭha dumaje nad tym, jak arhanična ŭkłaści fanietyku tekstu ŭ ahulny mieładyčny i rytmičny malunak. Hałoŭnaje, kab vynik čaplaŭ słuchača.
Muzyka Soyuz spadabałasia i Ivanu Dornu — chłopcy hrali ŭ jaho na razahrevie, a ŭ 2018 hodzie albom «Heta zusim nie toje» vyjšaŭ na łejble Dorna. Jaho nazyvali «sacyjalna-bytavym manifiestam ab ramantycy žyćcia ŭ sučasnym horadzie».
Ź Biełarusi hurt vyjechaŭ paśla pačatku vajny va Ukrainie. Ale ž chłopcy i da hetaha momantu nie ličyli siabie apalityčnymi. U 2020 hodzie pieśnia Soyuz vyjšła ŭ zborniku biełaruskich muzykaŭ «Long Play Belarus» — jaho zapisvali ź lipienia pa kastryčnik, kab adrefleksavać usie tyja pačućci, jakija adčuvali samyja roznyja ludzi na vulicach svaich haradoŭ.
Novyja kumiry minskaj moładzi — hurt «Barysaŭski trakt»
U Adesie zdaryŭsia skandał z-za repieraŭ ź Biełarusi
Pit Paŭłaŭ: «U N.R.M. byli i dzikaja papularnaść, i navatarstva. Zrobim apošnija kancerty pryhožymi»
«Diadia Saša, biez obid, no vam nikto nie rad». Pahutaryli ź biełaruskim śpievakom AP$ENT, čyje pieśni źbirajuć miljony prasłuchoŭvańniaŭ
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary