U Šviecyi vychodzić kniha pra Biełaruś niamieckaha daśledčyka Inha Peca
Kniha niamieckaha žurnalista, piśmieńnika i daśledčyka Inha Peca «Rasender Stillstand: Belarus — eine Revolution und die Folgen» u aryhinale pabačyła śviet u 2024 hodzie, a ŭ žniŭni vychodzić u pierakładzie na šviedskuju ŭ vydaviectvie Bokförlaget Stolpe, piša bellit.info.
Knihu «Belarus: En revolution och dess följder» (Biełaruś: revalucyja i jaje nastupstvy) na šviedskuju ź niamieckaj pierakłaŭ Nils Chokansan.
«Toje, što kniha źjaŭlajecca na šviedskim knižnym rynku, na maju dumku, nie vypadkovaść, bo Šviecyja, jak kraina-pijanier, rana pačała adkryvać dla siabie sučasnuju biełaruskuju litaraturu i kulturu, tym samym zabiaśpiečvajučy mastakoŭ i piśmieńnikaŭ ź Biełarusi novymi płatformami i mastami, intehrujučy ich u jeŭrapiejski dyskurs. Heta pryviało da pašyreńnia cikavaści i bolšaj uklučanaści ŭ spravy krainy, jakija siarod inšaha praduhledžvajuć padtrymku biełaruskaha demakratyčnaha ruchu, hramadzianskaj supolnaści i ŚMI. Kniha vyjdzie ŭ žniŭni, a ŭ kancy vieraśnia ja stanu hościem Hioteborhskaha knižnaha kirmašu, kab pradstavić jaje i abmierkavać z ekśpiertami biełaruskuju tematyku», — padzialiŭsia navinoj u sacsietkach Inha Pec.
Žurnalist i piśmieńnik Inha Pec amal tryccać hadoŭ vyvučaje Biełaruś, i ŭ hetaj knizie jon razhladaje jak padziei, jakija pryviali da revalucyi 2020 hodu, tak i jaje nastupstvy. Tut jon adkazvaje na takija pytańni, jak: jaki ŭpłyŭ represii režymu akazali na hramadstva? Jak vyhladaje paŭsiadzionnaje žyćcio ŭ ciapierašniaj Biełarusi? Što ruchaje prychilnikami režymu? I jakija jość mahčymaści dla źmien? «Biełaruś: revalucyja i jaje nastupstvy» — heta kranalnaja i aktualnaja kniha pra represiŭnuju dyktaturu ŭ niepasrednaj blizkaści ad Šviecyi.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary