Na Biełaruskaj čyhuncy adnaho z supracoŭnikaŭ zatrymali za nibyta spryjańnie kantrabandzie cyharet
Na Biełaruskaj čyhuncy znoŭ adbyvajucca zatrymańni supracoŭnikaŭ. Na hety raz pad aryšt trapiŭ 35‑hadovy ciahnikovy dyśpietčar Centru kiravańnia pieravozkami (CKP) na ŭčastku Minsk-vuzieł CKP Andrej Haŭryluk, paviedamlaje Supolnaść čyhunačnikaŭ Biełarusi.
Paviedamlajecca, što Andreja Haŭryluka zatrymali 5 listapada supracoŭniki KDB paśla dzionnaj źmieny, stanam na 7 listapada jon znachodziŭsia ŭ SIZA KDB.
Pavodle papiaredniaj infarmacyi, jaho padazrajuć u spryjańni arhanizacyi kantrabandy cyharet biełaruskich vytvorcaŭ u krainy Jeŭrasajuza praz čyhunačnyja pieravozki. Miarkujecca, što Haŭryluk moh udzielničać u płanavańni i arhanizacyi pazahrafikavych prypynkaŭ tranzitnych kantejniernych ciahnikoŭ, jakija išli ŭ Polšču. Hetyja prypynki adbyvalisia na zahadzia ŭzhodnienych stancyjach, dzie mahła adbyvacca zahruzka kantrabandnaha tavaru ŭ vahony.
Pavodle źviestak krynic, havorka idzie pra ŭčastak Kaladzičy — Pamyślišča, jaki źjaŭlajecca častkaj Minskaha abchodu i naležyć da zony adkaznaści CKP «Minsk-vuzieł». Heta miesca ličycca zručnym dla kantrabandy, bo tut mała ludziej i niama pastajannaj achovy.
Taksama paviedamlajecca pra mahčymy vyciek słužbovaj infarmacyi — źviestak pra sastaŭ ciahnikoŭ, kantejniery i numary płombaŭ, što dazvalała kantrabandystam dziejničać skaardynavana i nieprykmietna.
Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes
«Vialikija ryzyki tupa stracić tavar». Spytali kantrabandysta i pamiežnika, navošta Biełaruś zakidvaje Litvu i Polšču zondami
Jak vyhladaje dron kantrabandystaŭ, jaki ŭčora braznuŭsia pa toj bok polskaj miažy FOTAFAKT
Paśla apošnich incydentaŭ z pavietranymi šarami ŭ Litvie zatrymali čatyroch čałaviek
Kamientary