«Vyklikajcie sanitaraŭ!» U Słucku piensijanierki apantana vajujuć ź dziciačaj placoŭkaj
Słučaki, što žyvuć na vulicy Lenina, zaŭvažyli dziŭnuju situacyju ŭ ich miascovaści. Na dziciačaj placoŭcy, jakuju tolki niadaŭna zrabili, źjaviłasia aharodžvalnaja stužka. Choć zdavałasia, što placoŭka ŭžo była hatovaja dla vykarystańnia, piša BGMedia.
U miascovych čatach žychary pačali spračacca, u čym moža być prablema. Cpačatku jany padumali, što stužku mahli paviesić supracoŭniki kamunalnych słužbaŭ praz toje, što placoŭka mahła być nie da kanca zroblenaja. Ale potym vyśvietliłasia, što kamunalniki tut ni pry čym.
Stužku paviesiła žycharka susiedniaha doma — piensijanierka, jakoj nie spadabałasia, dzie mienavita ŭźviali placoŭku. Hetuju infarmacyju paćvierdzili ŭ rehijanalnaj haziecie «Słucki kraj».
Jak raskazvajuć miascovyja žychary, apantanaść žančyny dajšła da taho, što jana z samaj ranicy siadzieła na łaŭcy i sačyła, kab nichto ź dziaciej nie padyšoŭ da turnikoŭ ci nie pačaŭ hulać na novaj placoŭcy. Dzieci taksama sutyknulisia z ahresijaj z boku inšych piensijanierak, u vyniku jany bajalisia navat blizka padyści da hetaha miesca.
Ludzi telefanavali ŭ ŽKH, kab prybrać hetuju stužku. Ale ŭ vyniku heta zrabiła adna z žycharak doma, bo na jaje dumku, «im daviałosia b doŭha čakać». Ale i heta nie adbyłosia bieź pieraškodaŭ. Stužku doŭhi čas nie davali sarvać piensijaniery, jakija aktyŭna nazirali za placoŭkaj. Pavodle słoŭ miascovych, jany navat skaardynavalisia pamiž saboj i zaviazali na stužcy vuzły, kab jaje było składana prybrać.
Dla mnohich žycharoŭ situacyja vyhladaje nie prosta dziŭna, a absurdna. U kamientarach ludzi prapanujuć roznyja sposaby «vyrašyć prablemu sa złymi piensijanierkami»:
«Tut nie milicyju, a chutkuju treba vyklikać — razam z sanitarami»;
«Davajcie ŭviečary źbiaremsia ŭsim čatam i sami z usim raźbiaremsia»;
«Vyklikajcie MNS na babulek!».
Ciapier na dziciačaj placoŭcy aharodžy ŭžo niama. Cikava, što kamunalniki dali aficyjny adkaz sa spaźnieńniem — jany paabiacali źniać stužku, jakoj na toj momant užo daŭno nie było.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»5
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary