Top biełaruskich švedraŭ na luby hust — z Paleśsiem, słuckimi pajasami ci lalkami-abiarehami
Kali vy jašče nie paśpieli ŭciaplicca, to samy čas, bo da viasny čakaje syravata-zołkaje nadvorje, viskucień i šeraść z redkim haściavańniem sonca. Trymajcie varyjanty švedraŭ, chudzi i śvitšotaŭ na luby hust (usich ich abjadnoŭvaje biełaruski kałaryt).
Dosyć novy brend Zuza zakryvaje patrebu milenijałaŭ i zumieraŭ u vialikich, «baćkavych» aviersajz-švedrach, nibyta kuplenych na rynku 90-ch, i ad taho bolš ciopłych i ŭtulnych.
Stvaralnik brenda Andrej Traciak padumaŭ, čamu nichto na biełaruskim rynku nie robić niešta padobnaje, ale sučasnaje i z falkłornaj estetykaj — tak naradziŭsia pieršy švedar «Tajamnica Paleśsia».
Niadaŭna źjaviŭsia i druhi dyzajn, natchniony lasnoj mifałohijaj i kazkami pra chatku na kurynych nožkach.
Košt: 295 BYN
Biełaruś siniavokaja, kraina azioraŭ i rečak — vučać školnikaŭ ź pieršych kłasaŭ. Zamacavać heta brend Paula prapanuje ŭ siabie na hrudziach.
Ich kalekcyja «Miły drop» pryśviečanaja najpierš našym viadomym azioram i rečkam.
Košt: 259 BYN
U LSTR Adziennie prapanujuć cudoŭnaje chudzi z matyvami pałotnaŭ mastački Aleny Kiš i śvitšot, pryśviečany cłuckim pajasam.
Košt: śvitšot — 160 BYN, chudzi — 180 BYN
Praciahvajučy temu ŭtulnych bajek, jakija ŭpisvajucca i ŭ spartovy, i ŭ kežuał styl, niemahčyma prajści mima dyzajnaŭ brenda Honar.
Jaki ŭ vas siońnia nastroj — retra-nastalhičny, kab pazhadvać staryja biełaruskija hrošy z zajčykami? Ci miełanchalična-dzenaŭski, z pacham vioski i firmovych stravaŭ ź piečki babuli?
Košt: 149 BYN
Jarkija i ŭnikalnyja rečy — u adzinym ekzemplary — stvaraje Śviatłana Stankievič. U jaje partfolia jak švedry z matyvami biełaruskich dyvanoŭ, tak i z arnamientam, busłami, buračkami ci lalkami-abiarahami (a jašče — z paznavalnymi ŭžo čelesami).
Košt: indyvidualny, u zaležnaści ad składanaści dyzajnu
Bonus
Detallu, što vyłučyć vas u natoŭpie, stanuć aksiesuary, jakija dadatkova pracujuć na zachavańnie ciapła.
Raim źviarnuć uvahu na rečy ad Kaciaryny Piatrovič. Jaje maniški ci chustki z vyšyŭkaj dakładna pryniasuć vam zvańnie stylahi rajona.
Košt: indyvidualny, u zaležnaści ad składanaści dyzajnu
Jak kambinavać rečy z nacyjanalnymi matyvami z sučasnymi? Idei ad modnych biełarusak i biełarusaŭ
Dyzajnierki prapanavali biełaruskuju alternatyvu papularnaj lalcy Łabubu
Ideja dla padarunka — padborka stylovych aksiesuaraŭ ź biełaruskim kałarytam
Top niebanalnych padarunkaŭ na lubuju nahodu ad biełaruskich majstroŭ
Kamientary
A tak vielmi cikavyja rečy i Lustracyja i Honar i adkryła dla siabie Śviatłau Stankievič