U Biełym domie mužčyna straciŭ prytomnaść, stojačy za prezidentam ZŠA Donaldam Trampam padčas anonsu ździełki, u vyniku jakoj u ZŠA majuć źmienšycca ceny na preparat «Aziempik».
6 listapada prezident ZŠA Donald Tramp i farmaceŭtyčnyja kampanii Eli Lilly i Novo Nordisk abjavili pra zaklučeńnie pahadnieńnia, kab pamienšyć ceny na hrupu preparataŭ dla źnižeńnia vahi.
Pačatkovy košt tabletak dla ŭdzielnikaŭ dziaržaŭnych amierykanskich prahram Medicare i Medicaid i tych, chto apłačvaje lačeńnie najaŭnymi, składzie 149 dalaraŭ u miesiac, a injekcyj — ad 245 dalaraŭ.
Mierapryjemstva ŭ Biełym domie pryjšłosia skončyć daterminova — adzin z prysutnych na im straciŭ prytomnaść. Spačatku śćviardžałasia, što heta byŭ sam vykanaŭčy dyrektar kampanii Novo Nordisk Hordan Findlej, ale paśla hetuju infarmacyju abvierhli.
U Avalnym kabiniecie uvohule nie było supracoŭnika Novo Nordisk pa imieni Hordan, jakoha pradstaŭniki ŚMI, u tym liku telekanał Fox News, apaznali jak top-mieniedžara Hordana Findli, paviedamiła kampanija.
«Hienieralny dyrektar Majk Dustdar i vykanaŭčy vice-prezident pa apieracyjach u ZŠA Dejv Mur byli adzinymi pradstaŭnikami Novo Nordisk u Avalnym kabiniecie. My spadziajemsia, što z džentlmienam, jaki siońnia paciarpieŭ, usio ŭ paradku», — havorycca ŭ zajavie Novo Nordisk.
Miarkujučy pa videa, na dapamohu niebaraku paśpiašaŭsia viadučy telepieradačy «Šou doktara Oza» Miechmiet Oz. Ministar achovy zdaroŭja ZŠA Robiert Kienedzi adyšoŭ ubok.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?7
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary
https://d2accbiqacj5y8.cloudfront.net/380629