Biełaruskaja repierka Mejbi Bejbi naviedała Dziarždumu i adpraviła humanitarnuju dapamohu rasijskim vojskam
Raniej dziaŭčynu ŭnieśli ŭ śpis niepažadanych u Rasii artystaŭ.
Uradženka Žabinki śpiavačka Mejbi Bejbi (sapraŭdnaje imia biełaruski — Viktoryja Łysiuk) naviedała Dziaržaŭnuju Dumu Rasii i razam z kiraŭnikom ŁDPR Leanidam Słuckim uziała ŭdzieł u adpraŭcy humanitarnaj dapamohi ŭ zonu «Śpiecyjalnaj vajennaj apieracyi».
Pra heta paviedamiła moładzievaja arhanizacyja ŁDPR u svaim kanale. Padzieja adbyłasia da Dnia narodnaha adzinstva, jaki ŭ RF adznačajuć 4 listapada.
U svaim kanale Viktoryja Łysiuk pažartavała pra vizit u Dziarždumu: «Naviedała Dziarždumu, abmierkavali zakonaprajekt ab uviadzieńni padatkaŭ na dysy biez pančłajnaŭ».
Učynak śpiavački adbyŭsia na fonie niadaŭniaha kanfliktu z rasijskaj repierkaj Instasamkaj. Letam Instasamka publična abvinavaciła Mejbi Bejbi ŭ niedachopie patryjatyzmu i drennym upłyvie na moładź praz albomy z «razburalnym kantentam».
U kastryčniku vydańnie Mash pisała, što ŭ vyniku hetaha kanfliktu ŭłady praviali pravierku piesień Mejbi Bejbi i ŭnieśli jaje ŭ śpis niepažadanych artystaŭ. Pad pahrozaj akazaŭsia vialiki tur pa rasijskich haradach.
Adnak ciapier, vynikaje, z kancertami dziaŭčyny ŭsio budzie ŭ paradku. U Mejbi Bejbi, da taho ž, zapłanavany vystup u pryfrantavym Rastovie-na-Donie.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary