Rasija ŭsio prahłynaje: vyručka miasnych i małočnych zavodaŭ stavić rekordy
Na partale finansavaha rynku źjaviłasia spravazdačnaść Turaŭskaha małočnaha kambinata i Bresckaha miasakambinata za studzień-vierasień 2025 hoda. Buchhałteryja hetych pradpryjemstvaŭ pakazvaje trend i dazvalaje skłaści ŭjaŭleńnie ab situacyi na inšych padobnych pradpryjemstvach. Kali ścisła, to rynkavaja situacyja nadzvyčaj spryjalnaja dla biełaruskich miasa– i małakazavodaŭ, bo rost cenaŭ u Rasii (na małočnyja vyraby pa roznych katehoryjach da 34%, na vyraby sa śvininy pa asobnych katehoryjach da 30%) biez adpaviednaha skaračeńnia popytu dazvalaje kruta zarablać na eksparcie, adnačasova naroščvajučy adhruzki i pavyšajučy ceny.
Voś jak heta vyhladaje na ličbach.
Vyručka Turaŭskaha małočnaha kambinata za 9 miesiacaŭ 2025‑ha — 467 miljonaŭ biełaruskich rubloŭ (u 2024‑m za toj ža pieryjad było 394 miljony), z hetaj vyručki 79,4% atrymana ŭ zamiežnaj valucie. Inšymi słovami, heta prykładnaja dola pastavak u Rasiju, pastaŭki ŭ astatnija krainy ŭ hetaj sumie buduć chibnaściu.
Vałavy prybytak Turaŭskaha małočnaha kambinata za hod vyras u paŭtara razu (z 69 miljonaŭ da 110 miljonaŭ rubloŭ), a čysty prybytak — ažno ŭ try razy (z 11 miljonaŭ da 39 miljonaŭ).
Čytajcie taksama: «Savuškaŭ pradukt» ad pačatku hoda atrymaŭ rekordnyja $135 miljonaŭ čystaha prybytku
Što ź miasam? Brescki miasakambinat pierakročyŭ miljard u abarocie, jaho vyručka: 1,075 miljarda rubloŭ za dzieviać miesiacaŭ 2025‑ha (letaś za toj ža pieryjad było 871 miljon).
Vałavy prybytak zavoda ad pačatku 2025 hoda — 140 miljonaŭ rubloŭ, a čysty — 33 miljony (za try kvartały 2024‑ha było 48 miljonaŭ).
Takaja niesuvymiernaść prybytku da vyručki biarecca z taho, što zavod — vialiki pastaŭščyk na ŭnutrany rynak, na jakim składana zarablać praz rehulavańnie cen.
Nižejšyja ceny na biełaruskim rynku faktyčna subsidujucca rasijskimi pakupnikami: z bolš čym miljardnaj vyručki 387 miljonaŭ rubloŭ atrymana ŭ zamiežnaj valucie (pieradusim pradadziena ŭ Rasiju). Letaś u hetaj hrafie było tolki 205 miljonaŭ.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie99
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie9
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
pierakročyŭ miljard -- pierasiahnuŭ