Sioleta ŭpieršyniu HUM admoviŭsia ad ułasnaha afarmleńnia vitryn i zaprasiŭ da kreatyvu biełaruskija brendy. Što atrymałasia, HUM prezientavaŭ učora.
Vitryny hetym razam aformili šeść papularnych ajčynnych vytvorcaŭ, piša Onliner.
«Asnoŭnaja ideja — heta adsutnaść idei jak takoj. Chaciełasia ŭvasobić śviatočnuju atmaśfieru, sabrać roznyja idei jak pa styli, tak i pa ŭvasableńni. Kožnaja vitryna admietnaja, nie padobnaja na inšyja, — patłumačyli zadumu ŭ HUMie. — My dali scenu dla tvorčaści biełaruskim brendam».
Adzinaj umovaj, jakuju pastaviŭ univiermah, była najaŭnaść jołački ŭ afarmleńni.
Samym niečakanym siarod udzielnikaŭ stała źjaŭleńnie vitryny «Biełmytservisu». Heta patłumačyli tym, što ŭ HUMie zamiežnyja hramadzianie mohuć aformić pasłuhu Tax Free.
Mark Formelle patłumačyŭ svaju zadumu tak:
— U asnovu našaj vitryny lehła ilustracyja, stvoranaja mastakom-prymityvistam Illoj Kutabojem śpiecyjalna dla brenda. Darečy, mienavita hetaja ilustracyja budzie vykarystana na śviatočnych navahodnich skrynkach, padarunkavych pakietach i jarłykach navahodnich madelaŭ adzieńnia. Kałabaracyja z mastakom stvorana dla tych, chto zachaplajecca mastactvam, šukaje natchnieńnie ŭ pryrodzie i nie baicca vyjści za zvykłyja ramki», — tłumačać u Mark Formelle.
«Vitryny HUMa — heta simvał śviata i ŭpryhožańnie horada. Kamuści jany padabajucca, kamuści — nie, ale abyjakavymi jany dakładna nikoha nie pakidajuć», — adznačyła kiraŭnik adździeła markietynhu HUMa Halina Hubič.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»26
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1414
Kamientary