U Branskaj vobłaści ciahnik puścili pad adchon. Vyhladaje, što zhareŭ biełaruski ciepłavoz
Pa danych «Bazy», na pierahonie Rasucha-Unieča čyhunačny sastaŭ z 60 vahonami, hružany naftapraduktami i piłamateryjałami, syšoŭ z rejek z-za paškodžańnia pałatna.
Ciepłavoz zhareŭ. Na miescy pracujuć ekstrannyja słužby, pišuć rasijskija ŚMI.
Ciahnik, što byŭ spuščany pad adchon ŭ Branskaj vobłaści, napeŭna, naležyć Biełaruskaj čyhuncy. Jak zaŭvažajuć u siecivie, ciepłavoz maje afarboŭku, padobnuju da ciepłavozaŭ BČ, znak na im — Biełčyhunki.
Čyhunačniki paćvierdzili «NN», što ciepłavoz — biełaruski. «Ciepłavoz naležyć BČ. Plačo absłuhoŭvańnia jość da Branska ŭ BČ, u RČ — da Homiela», — skazali surazmoŭcy «NN».
Pa ich infarmacyi, dadzieny ciepłavoz ličycca ŭ prypisnym parku łakamatyŭnaha depo Homiel Biełaruskaj čyhunki.
Pa danych «Mash», mahutnaść vybuchovaha prystasavańnia, jakim padarvali čyhunku, była nie mienš za 200 hramaŭ u tratyłavym ekvivalencie.
Na paŭdniovym zachadzie Branskaj vobłaści ŭviali płan «Pierachop». Šukajuć dvuch mužčyn, mahčyma, datyčnych da dyviersii. Jany patrapili na kamiery nazirańnia pablizu.
Siońnia ž stała viadoma, što ŭ Leninhradskaj vobłaści padarvali aporu ŁEP.
Pazaŭčora ŭdaram bieśpiłotnika byli źniščanyja reziervuary z palivam Čarnamorskaha fłota ŭ Sievastopali. A ŭčora vybucham była źniščanaja turbaza «Pryvał palaŭničaha» ŭ akupavanym Mielitopali, dzie raźmiaščalisia rasijskija vajskoŭcy.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary