Pres-sakratar MZS Biełarusi Rusłan Varankoŭ vykazaŭsia nakont pytańnia znachodžańnia ŭ Biełarusi litoŭskaha hruzavoha transpartu. U našaj krainie paśla zakryćcia miažy akazalisia zabłakavanyja kala 5 tysiač litoŭskich hruzavikoŭ i paŭpryčepaŭ.
«Litoŭskija ŚMI napieraboj cytujuć zajavu premjer-ministra Litoŭskaj Respubliki spadaryni Inhi Ruhinienie ab pierahavorach ź Biełaruśsiu pa pytańni viartańnia litoŭskich hruzavych transpartnych srodkaŭ, jakija znachodziacca na našaj terytoryi. Sapraŭdy, adpaviedny zvarot, kali jaho možna nazvać aficyjnym zvarotam na adras Minska, nakiravany kiraŭnictvu Lidskaha pahraničnaha atrada», — zaznačaje pres-sakratar MZS.
Jon źviarnuŭ uvahu, što pakolki rašeńnie ab zakryćci biełaruska-litoŭskaj miažy da 30 listapada było pryniata vyklučna litoŭskim bokam u adnabakovym paradku, to Biełaruś «nie niasie adkaznaści za jaho niehatyŭnyja nastupstvy, jakija akazalisia šmathrannymi — ad prablem z hruzavym transpartam da istotnaj škody, naniesienaj nie tolki biełaruskim hramadzianam i biźniesu, samomu litoŭskamu boku, ale i hramadzianam trecich krain, uklučajučy dziaržavy — členy ES».
Varankoŭ zaklikaŭ litoŭskija ŭłady admianić svajo rašeńnie i adnavić narmalnaje funkcyjanavańnie pahraničnych pierachodaŭ dla hramadzian, transpartnych srodkaŭ i hruzaŭ.
«Hetaha prostaha i łahičnaha rašeńnia Vilni ź nieciarpieńniem čakajuć tysiačy hramadzian abiedźviuch dziaržaŭ i ES u cełym. Im patrebnaje takoje rašeńnie, jakoje budzie mieć ustojlivy i pradkazalny charaktar. Ab pryniaćci jakich-niebudź vybaračnych mier nie moža być i havorki», — zaklučyŭ jon.
U Biełarusi akazalisia zabłakavanyja kala 5 tysiač litoŭskich hruzavikoŭ i paŭpryčepaŭ.
Učora premjer Litvy Inha Ruhinienie zajaviła, što pieramovy viaducca i chutka stanie jasna, jakim budzie vynik. «My prykładziom usie namahańni, kab litoŭskija hruzaviki viarnulisia dadomu. Ale sama miaža zastaniecca zakrytaj», — zajaviła premjer-ministarka.
Siońnia jaje daradca Ihnas Dabravolskis kazaŭ, što, mahčyma, dziela hetaha budzie adkryty prapuskny pierachod u Salečnikach.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary
/adpaviedny zvarot (..) nakiravany kiraŭnictvu Lidskaha pahraničnaha atrada/
Pieramovy kiraŭnictva Litvy vyjšli na najvyšejšy ŭzrovień.