«Nafih vizy. Ja bolš nie budu jeździć u krainy, jakija nie zacikaŭlenyja ŭ turystach nastolki, što zakryvajuć miežy»
Televiadoŭca i šoumien Alaksandr Sierykaŭ (jon viadzie ŭłasnyja prajekty i na telekanale TNT) vykazaŭsia ŭ Threads pra nabalełuju situacyju ź vizami i čerhami na miažy.
«Zrabili z žonkaj vizy, płanavali paru dzion adpačyć u Jeŭropie. Ale pačałasia ŭsia hetaja situacyja na miežach z čerhami pa try dni.
Rašeńnie było pryniata takoje: nafih vizy. Ich ja bolš rabić nie budu. Ja bolš nie budu jeździć i tracić svaje hrošy ŭ krainy, jakija nie zacikaŭlenyja ŭ turystach nastolki, što zakryvajuć miežy. Ciapier pryncypova padarožničaju tolki ŭ biaźviz.
My pajechali na Prypiać. I heta była sapraŭdnaja pryhoda», — piša šoumien.
Jon dzielicca ŭražańniami ad atmaśfiernaha adpačynku na Prypiaci.
«Pieraprava na paromie. Hatel, dostup u jaki jość tolki pa vadzie, bo jon mieścicca na vostravie. Łaźnia, matornaja łodka i pajezdka pa Prypiaci».
Pa darozie nazad Alaksandr zajechaŭ taksama ŭ Pinsk — horad jaho začaravaŭ.
«Uvohule, u nas pryhožaja kraina ź vialikaj kolkaściu cikavych miescaŭ! I padarožničać možna kudy zaŭhodna. U pieršuju čarhu tudy, dzie ciabie chočuć bačyć», — napisaŭ jon.
Pad dopisam sabrałasia bolš za 600 kamientaroŭ. Niekatoryja dzialilisia, što praz składanaści z šenhienskimi vizami adkryvajuć dla siabie inšyja krainy nie ŭ Jeŭropie.
«Pakul vizu atrymać doraha, vyrašyŭ jeździć tudy, dzie lohka ci nie treba. Raptam dla siabie adkryŭ raskošny Tadžykistan, Iran, turecki Kurdystan, abkataŭ usie Emiraty, usiu Fierhanskuju dalinu (Uźbiekistan i Kyrhyzstan), vielmi zadavoleny», — napisaŭ u kamientarach błohier Dzianis Blišč.
Chtości piša, što padarožničaje pa Azii, chtości lepš znajomicca ź Biełaruśsiu.
Ale byli i tyja, chto nie zrazumieŭ abureńnia viadoŭcy.
«A vy nie zadajaciesia pytańniem «čamu»? Vy kryŭdujecie, ale, blin, spraviadliva ž nie puskajuć! Nie na roŭnym miescy! Biełaruś i Rasija stali dyktatarskimi! Da lutaha 2022 hoda ŭsio ž było vydatna ŭ Jeŭropie, tak?»
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami1
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary