Tramp sustreŭsia ŭ Vašynhtonie ź lidaram Siryi aš-Šaraa. Toj uvajšoŭ u Bieły dom praz bakavyja dźviery
Prezident ZŠA pravioŭ sustreču ŭ Biełym domie z časovym prezidentam Siryi Achmiedam aš-Šaraa, za paimku jakoha jak terarysta Vašynhton jašče niadaŭna abviaščaŭ uznaharodu $10 miljonaŭ, piša Bi-bi-si.
«Prezident Siryi prybyŭ u Bieły dom. Sustreča pamiž prezidentam Trampam i prezidentam aš-Šaraa taksama pačałasia», — abjaviła pres-słužba Biełaha doma.
Paźniej žurnalisty ŭbačyli, jak kartež aš-Šaraa pakidaje Bieły dom. Jakich-niebudź sumiesnych zajaŭ lidary dźviuch krain nie rabili.
Jak adznačaje ahienctva Reuters, prybyćcio aš-Šaraa ŭ Bieły dom vyhladała bolš ścipła, čym zvyčajna abstaŭleny vizity inšych zamiežnych lidaraŭ. Jon uvajšoŭ u Bieły dom praz bakavy ŭvachod, a nie praz hałoŭny hanak Zachodniaha kryła, dzie stajać kamiery i dzie zamiežnych haściej časta sustrakaje sam prezident. Paśla vizitu jon vyjšaŭ ź Biełaha doma praz tyja ž dźviery.
Pryjezd aš-Šaraa ŭ Vašynhton u pramym sensie słova histaryčny — nivodzin siryjski prezident raniej nie ździajśniaŭ aficyjnaha vizitu ŭ ZŠA.
Apošni raz vysokapastaŭleny siryjski čynoŭnik naviedvaŭ Bieły dom u śniežni 1999 hoda. Tady heta byŭ ministr zamiežnych spraŭ Siryi Faruk aš-Šaraa, i jon udzielničaŭ u mirnych pieramovach ź Izrailem.
Za nastupnyja čverć stahodździa kraina prajšła šlach ad kiravańnia Asadaŭ z hramadzianskaj vajnoj, represijami i mižnarodnaj izalacyjaj da padzieńnia režymu.
Paśla zachopu Damaska siłami «Chajat Tachryr aš-Šam» i ŭciokaŭ Asada ŭ Maskvu časovy lidar Siryi i kiraŭnik CHTŠ Achmied aš-Šaraa sprabuje adnavić adnosiny z krainami, jakija doŭhija hady paźbiahali kantaktaŭ z Damaskam.
Napiaredadni aficyjnaha vizitu aš-Šaraa ŭ Vašynhton Rada biaśpieki AAN vyklučyła jaho, a taksama kiraŭnika MUS krainy Anasa Chataba sa svajho sankcyjnaha śpisu. Šaraa znachodziŭsia pad sankcyjami AAN z 2014 hoda jak člen CHTŠ, u minułym — siryjskaha kryła «Al-Kaidy».
«Z pryniaćciem hetaha dakumienta Rada pasyłaje mahutny palityčny sihnał, jaki pryznaje, što Siryja ŭstupaje ŭ novuju epochu», — zajaviŭ paśla hałasavańnia pasoł ZŠA ŭ AAN Majk Uołtc.
Jak pisała ahienctva Reuters, Vašynhton niekalki miesiacaŭ pierakonvaŭ astatnija 14 krain-členaŭ Rady biaśpieki źniać sankcyi z aš-Šaraa. Adpaviednaja rezalucyja była raspracavana i vyniesiena na hałasavańnie amierykanskimi dypłamatami. U śniežni ZŠA adklikali ŭznaharodžańnie ŭ $10 miljonaŭ za sadziejničańnie ŭ aryšcie aš-Šaraa.
Vašynhton, i pierš za ŭsio prezident Donald Tramp, adkryta padtrymlivajuć byłoha džychadzista, jaki staŭ lidaram krainy (choć pieršapačatkova ŭ prezidenta ZŠA była inšaja reakcyja na źmienu ŭłady ŭ Siryi).
«Małady, pryvabny chłopiec, mocny chłopiec. Ćviordy charaktar, vielmi ćviordy — bajec. U jaho jość usie šancy ŭtrymać situacyju pad kantrolem», — kazaŭ Donald Tramp žurnalistam na borcie Air Force One paśla pieršaj karotkaj sustrečy z aš-Šaraa ŭ mai ŭ Er-Ryjadzie.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary