ЗША ўвялі візавыя абмежаванні для 25 чалавек за падрыў дэмакратыі ў Беларусі. Прычынай для гэтага стала распачатая практыка завочных судовых працэсаў, заявіў дзяржсакратар ЗША Энтані Блінкен. Пра гэта паведамляе Reuters.
Сярод чыноўнікаў, супраць якіх уводзяцца новыя санкцыі Вашынгтона — члены Нацыянальнага сходу Беларусі. Такім чынам адзначылі іх ролю ў прыняцці заканадаўства, якое дазваляе выносіць смяротныя пакаранні людзям, асуджаным за тэрарызм, бо гэтую норму Беларусь можа выкарыстоўваць для рэпрэсій супраць апазіцыі, як сказаў Блінкен. Таксама на рашэнне ЗША паўплывала ўвядзенне ў заканадаўства нормаў, якія дазваляюць пазбаўляць апазіцыянераў грамадзянства.
«Мы не будзем стаяць убаку, бо гэты рэжым працягвае пераследаваць і рэпрэсаваць мірных пратэстоўцаў, дэмакратычную апазіцыю, журналістаў, кіраўнікоў прафсаюзаў, актывістаў, праваабаронцаў і звычайных беларусаў», — адзначыў дзяржсакратар ЗША.
Чытайце таксама:
Якія санкцыі здольныя прывесці да змены рэжыму? Адказвае прафесар Сонін
Палякі адмовіліся рамантаваць беларускі цягнік, бо Беларусь пад санкцыямі
Украіна ўвяла санкцыі супраць лукашэнкаўскіх прапагандыстаў
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары