Айцішнікі запусцілі лічбавую платформу «Новая Беларусь»
Сёння доўгачаканы праект, праца над якім працягвалася больш за год, выйшаў у адкрытае тэставанне. Цяпер праграму можна будзе спампаваць у Play Market і App Store.
Распрацоўшчыкі абяцаюць, што на гэтай платформе змогуць гуртавацца беларусы, каб атрымліваць дапамогу, шукаць і прапаноўваць працу, разам бавіць час, ладзіць праекты і прымаць супольныя рашэнні.
Чытайце таксама: «Паспрабуем сабраць беларусаў як нацыю ў адно вялікае кам'юніці». Айцішнікі стварылі «Лічбавую Беларусь»
«Гэта магчымасць для тых, хто засталіся ў краіне, анлайн удзельнічаць у культурным, сацыяльным, а пазней і палітычным жыцці.
А тыя, хто з’ехалі, займеюць новыя гарызантальныя сувязі з землякамі і зямлячкамі, якіх раскідаў час па розных краінах. Кожны і кожная тут будуць сярод сваіх», — кажуць распрацоўшчыкі платформы «Новая Беларусь» Павел Лібер і Яраслаў Ліхачэускі.
Мэтай айцішнікаў было стварэнне прасторы, на якой можна знайсці ўсё неабходнае, калі пераязджаеш у новую краіну.
«А ў працэсе працы нарадзілася нешта большае — цэлая дзяржава ў смартфоне. Мы запрашаем усіх неабыякавых да адкрытага бэта-тэставання», — кажа Яраслаў Ліхачэускі.
Зараз у прыкладанні ёсць блокі з навінамі, гайдамі па рэлакацыі, медычнымі і юрыдычнымі сэрвісамі, культурніцкімі падзеямі, бізнэсамі ды магчымасцю праводзіць апытанні.
Платформа «Новая Беларусь» можа стаць падмуркам для беларускай лічбавай дзяржавы. У хуткім часе тут абяцаюць запусціць плацёжную сістэму, якая дазволіць плаціць за тыя ці іншыя сервісы.
Спасылкі на аплiкацыю:
«Новая Беларусь» — Play Market
«Новая Беларусь» — App Store
Чытайце таксама:
Як абараніць сябе і свой акаўнт у WhatsApp: пакрокавы гайд
Як пачысціць тэлеграм-боты, каб не засталося ніякіх слядоў ВІДЭА
Эксперт па бяспецы заклікае выдаліць усе асабістыя паведамленні ў Twitter пасля куплі яго Маскам — і вось чаму
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Каментары
Платформа не захоўвае асабістых звестак. Скарыстайце адрас электроннай пошты, які не сугучны з вашым імём. У гэтым выпадку, нават калі будзе ўзламаная база дадзеных, вам нічога не пагражае.