Ajcišniki zapuścili ličbavuju płatformu «Novaja Biełaruś»
Siońnia doŭhačakany prajekt, praca nad jakim praciahvałasia bolš za hod, vyjšaŭ u adkrytaje testavańnie. Ciapier prahramu možna budzie spampavać u Play Market i App Store.
Raspracoŭščyki abiacajuć, što na hetaj płatformie zmohuć hurtavacca biełarusy, kab atrymlivać dapamohu, šukać i prapanoŭvać pracu, razam bavić čas, ładzić prajekty i prymać supolnyja rašeńni.
Čytajcie taksama: «Pasprabujem sabrać biełarusaŭ jak nacyju ŭ adno vialikaje kamjunici». Ajcišniki stvaryli «Ličbavuju Biełaruś»
«Heta mahčymaść dla tych, chto zastalisia ŭ krainie, anłajn udzielničać u kulturnym, sacyjalnym, a paźniej i palityčnym žyćci.
A tyja, chto źjechali, zajmiejuć novyja haryzantalnyja suviazi ź ziemlakami i ziamlačkami, jakich raskidaŭ čas pa roznych krainach. Kožny i kožnaja tut buduć siarod svaich», — kažuć raspracoŭščyki płatformy «Novaja Biełaruś» Pavieł Libier i Jarasłaŭ Lichačeuski.
Metaj ajcišnikaŭ było stvareńnie prastory, na jakoj možna znajści ŭsio nieabchodnaje, kali pierajazdžaješ u novuju krainu.
«A ŭ pracesie pracy naradziłasia niešta bolšaje — cełaja dziaržava ŭ smartfonie. My zaprašajem usich nieabyjakavych da adkrytaha beta-testavańnia», — kaža Jarasłaŭ Lichačeuski.
Zaraz u prykładańni jość błoki z navinami, hajdami pa rełakacyi, miedyčnymi i jurydyčnymi servisami, kulturnickimi padziejami, biznesami dy mahčymaściu pravodzić apytańni.
Płatforma «Novaja Biełaruś» moža stać padmurkam dla biełaruskaj ličbavaj dziaržavy. U chutkim časie tut abiacajuć zapuścić płaciožnuju sistemu, jakaja dazvolić płacić za tyja ci inšyja siervisy.
Spasyłki na aplikacyju:
«Novaja Biełaruś» — Play Market
«Novaja Biełaruś» — App Store
Čytajcie taksama:
Jak abaranić siabie i svoj akaŭnt u WhatsApp: pakrokavy hajd
Jak pačyścić telehram-boty, kab nie zastałosia nijakich śladoŭ VIDEA
Ekśpiert pa biaśpiecy zaklikaje vydalić usie asabistyja paviedamleńni ŭ Twitter paśla kupli jaho Maskam — i voś čamu
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie6
Kamientary
Płatforma nie zachoŭvaje asabistych źviestak. Skarystajcie adras elektronnaj pošty, jaki nie suhučny z vašym imiom. U hetym vypadku, navat kali budzie ŭzłamanaja baza dadzienych, vam ničoha nie pahražaje.