U Litvie dazvolili praviarać palihrafam inšaziemcaŭ, jakija mohuć ujaŭlać pahrozu nacyjanalnaj biaśpiecy
Litoŭski Siejm pašyryŭ śpis ludziej, jakich možna praviarać z dapamohaj palihrafa. Ciapier takija pravierki mohuć pravodzicca ŭ dačynieńni da inšaziemcaŭ, jakija mohuć ujaŭlać pahrozu nacyjanalnaj biaśpiecy, a taksama supracoŭnikaŭ kampanij i pradstaŭnikoŭ pastaŭščykoŭ, źviazanych z atrymańniem abo najaŭnaściu siertyfikata nadziejnaści pastaŭščyka, paviedamlaje LRT.
Za hetyja źmieny prahałasavała bolšaść deputataŭ Siejma. Inicyjataram papravak vystupiŭ Druhi departamient apieratyŭnych słužbaŭ.
Raniej palihrafam možna było praviarać tolki peŭnyja katehoryi ludziej, naprykład, supracoŭnikaŭ raźviedki, vajskoŭcaŭ, čynoŭnikaŭ i rabotnikaŭ dziaržaŭnych ustanoŭ. Pry hetym nie isnavała mahčymaści praviarać niekatorych ludziej, jakija mieli dostup da sakretnaj infarmacyi, kali jany nie naležali da hetych katehoryj. Taksama nie było pravavoj asnovy dla pravierki inšaziemcaŭ.
Pradstaŭniki ŭłady patłumačyli nieabchodnaść źmienaŭ paharšeńniem hieapalityčnaj situacyi, aktyvizacyjaj dziejnaści zamiežnych raźviedak i pavieličeńniem vypadkaŭ sprobaŭ viarboŭki ludziej u Litvie. Novyja miery pavinny dapamahčy bolš poŭna aceńvać ryzyki pry vydačy dazvołaŭ na pracu z sakretnaj infarmacyjaj i pry pryniaćci rašeńniaŭ ab nadańni dazvołaŭ na žycharstva inšaziemcam.
Zhodna z novymi praviłami, palihraf mohuć prachodzić kandydaty ŭ sakretnyja supracoŭniki raźviedki, pradstaŭniki kampanij-pastaŭščykoŭ, a taksama inšaziemcy, jakija mohuć pahražać nacyjanalnaj biaśpiecy.
Pravierka taksama moža być pryznačanaja, kali ŭźnikajuć padazreńni, što čałaviek schavaŭ važnyja fakty svajoj bijahrafii, paviedamiŭ niapraŭdzivyja źviestki pra siabie abo svajo asiarodździe.
U vypadku inšaziemcaŭ admova ad prachodžańnia palihrafa budzie razhladacca jak mahčymy pakazčyk pahrozy dziaržaŭnaj biaśpiecy.
Na hety momant pravodzić daśledavańni z vykarystańniem palihrafa ŭ Litvie mohuć dziaržaŭnyja pravaachoŭnyja orhany, vajskovaja raźviedka, Departamient dziaržaŭnaj biaśpieki i Słužba śpiecyjalnych rasśledavańniaŭ.
Palitołah Alina Charysava pahadziłasia supracoŭničać z SBU. Akazałasia, heta byŭ KDB
Kiraŭnik MZS Litvy: Palityka ŭ dačynieńni da Biełarusi mianiacca nie budzie, źmieny tolki ŭ farmuloŭkach
Amal usie lidary frakcyj Siejma Litvy zhodnyja źmianić Kanstytucyju ŭ spravie jadziernaj zbroi
Na vudu rasijskich prankieraŭ trapiŭ daradca prezidenta Litvy
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary
I nieviadoma:
- kolki z tych 4 i 14 razumiejuć, što palihraf nie prybor, a cacka;
- i kolki ź ich nie hałasavali "za" pa inšych pryčynach.
Haniebny prykład, jak u krytyčnyja momanty historyi ciemrašalstva pieramahaje.
Pad vyhladam "biaśpieki" i "tak praściej".