Kamandujučy Siłami bieśpiłotnych sistem Ukrainy Robiert Broŭdzi, viadomy pad pazyŭnym «Madziar», zajaviŭ u intervju brytanskamu žurnalistu, što Ukraina śviadoma nie nanosić udaraŭ pa Krymskim moście. Pavodle jaho słoŭ, zamiest hetaha ŭkrainskija siły realizujuć inšuju stratehiju — pastupova izalujuć akupavany Krym, parušajučy łahistyku rasijskich vojskaŭ, piša «RBK-Ukraina».
Broŭdzi adznačyŭ, što asnoŭnaja ŭvaha nadajecca źniščeńniu maršrutaŭ pastavak paliva, bojeprypasaŭ, asabovaha składu i vajskovaj techniki, jakija vykarystoŭvajucca dla zabieśpiačeńnia rasijskaj hrupoŭki na paŭvostravie. Pavodle jaho słoŭ, u vyniku takich dziejańniaŭ utrymlivać Krym dla Rasii stanovicca ŭsio ciažej. A Krymski most nadajecca dla evakuacyi adtul rasijan, pra što Madziar vykazaŭsia maksimalna vyrazna i hruba:
«My nie čapajem Krymski most, kali vy nie zaŭvažyli. Niachaj u******ć praź jaho. Voś usie tyja miljony niachaj praz toj mastok p*****ć, b*****, biez prypynku ŭ svaju Rasiju».
Kamandujučy SBS taksama zajaviŭ, što va Ukrainie imknucca stvaryć umovy, pry jakich rasijskija vojski nie zmohuć efiektyŭna znachodzicca na paŭvostravie, pry hetym nie pravodziačy maštabnaj naziemnaj apieracyi i nie padviarhajučy ryzycy žyćcio ŭkrainskich vajskoŭcaŭ.
Pavodle jaho słoŭ, ukrainskija siły praciahnuć nanosić udary pa rasijskich tankierach i inšych sudnach, jakija vykarystoŭvajucca dla pastavak paliva i vajskovych hruzaŭ u Krym. Jon zajaviŭ, što tolki za try dni byŭ paškodžany 21 tankier, a ŭsiaho za pieryjad z 6 pa 11 lipienia — 76 rasijskich sudnaŭ.
Raniej Hienieralny štab Uzbrojenych sił Ukrainy paviedamlaŭ pra sieryju ŭdaraŭ pa rasijskich abjektach u Azoŭskim mory. Pavodle ŭkrainskaha boku, padčas hetych apieracyj byli paškodžanyja sudny, naftavy terminał, skład bojeprypasaŭ i inšyja abjekty, jakija vykarystoŭvalisia dla vajennaj łahistyki.
Madziar: Krym izalujem u najbližejšaj budučyni
«Uvieś zavod raźbili. 23 pryloty było». USU nanieśli ŭdar pa važnym zavodzie ŭ Armiansku, heta spynić vytvorčaść tytanu
Ministr abarony Ukrainy: Najbližejšym časam Krym pieratvorycca ŭ vostraŭ
Va USU zajavili pra źniščeńnie 19 tankieraŭ u Azoŭskim mory. Jany mahli vazić bienzin u Krym
Ukraincy kantralujuć pavietra vakoł Kryma. Za noč źniščana jašče 10 tankieraŭ
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1717
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary