Pichony i špililii: modnaja kvietkavaja krama pachabna pažartavała — i adchapiła ŭ sacsietkach
A ŭładalnik dastaŭki kvietak premium kłasa «Vietka-Kvietka» pakryŭdžany, što «skufyni dy ciotuchny» nie zrazumieli jaho humar.
Adna z samych modnych (i daloka nie biudžetnych) kvietkavych kram stalicy «Vietka-Kvietka» apublikavała ŭ Threads dziŭny dopis: padborku fotazdymkaŭ, na jakich pierarabili nazvy kvietak dla stvareńnia eratyčnych namiokaŭ.
Tak, fota ź lilijami padpisali «Špililii», ź pivoniami — «Pichony», z słaniečnikami — «Podsosołnuchi», z hładyjołusami — «Hłotałusy». Podpis adpaviadaŭ: «Vypraŭcie, kali dapuścili pamyłki ŭ nazvach», — i smajł, jaki padmirhvaje.
I sacsietki vybuchnuli.
Samy papularny kamientar nabraŭ bolš za 1,5 tysiačy łajkaŭ: «Spadziajusia, «pichony» vy budziecie atrymlivać zamiest zarobku bližejšyja 12 miesiacaŭ, a «podsosołnuchi» zamiest prybytku».
«Jak markietołah nie mahu prajści mima. Heta toj vypadak, kali kreatyŭ całkam razburyŭ matyŭ pakupki. Kvietki — heta pra estetyku, kłopat i emocyi. Žančyny, jakija kuplajuć bukiety dla siabie, kab stvaryć utulnaść, abo dla siabrovak na śviaty, ceniać vizualnuju pryhažość i styl, a nie pošły humar. Mužčyna, jaki vybiraje padarunak, choča vyhladać hodna, a nie asacyjavacca sa słenham ź piŭnoha bara. Vam udałosia adšturchnuć adrazu abodva siehmienty aŭdytoryi. Achopy ŭ Threads vy, viadoma, pavialičyli, ale kaštoŭnaść brenda źnizili da nula».
«Imavierna, heta padałosia vam śmiešnym, ale nasamreč heta ahidna i brydka».
Cikavilisia ludzi, jakija ž z prapanavanych kvietak varta padaryć maci ci nastaŭnicy 1 vieraśnia.
Šmat chto byŭ ździŭleny, što takoje mahła dapuścić zasnavalnica kramy Nastaśsia Ivaš — bo jana była dla ludziej prykładam vielmi tonkaha hustu.
Ale ŭ chutkim časie vyśvietliłasia, što Nastaśsia bolš nie maje dačynieńnia da «Vietki-Kvietki» — paśla razvodu prajekt zastaŭsia jaje byłomu mužu Anatolu Šymakoŭskamu.
Mienavita Anatol davaŭ zhodu na taki pachabny kreatyŭ. Jaho nie raz tehnuli ŭ kamientarach, ale adkazvaje mužčyna vielmi niervova: «Možna bieź mianie? Ja sa skufyniami dy ciotuchnami, u jakich adsutničaje pačućcio humaru, starajusia nie kamunikavać».
Tym časam aburanyja žančyny płanujuć źviarnucca ŭ MARH sa skarhaj na rekłamu. A taksama zaklikajuć nabyvać kvietki ŭ Nastaśsi Ivaš, jakaja ŭžo zasnavała novuju kramu aŭtarskaj fłarystyki — Bloomy Jam.
Saładuchu źniali ŭ pravakacyjnaj rekłamie. Zdajecca, śpiavak prosta nie viedaŭ, što značyć «dušyć husia»
«Ukruci hłybiej»: sietka vinnych kram zrabiła rekłamu da 8 sakavika z seksualnym padtekstam
«Stały dla kuni». Biełaruski vytvorca mebli zrabiŭ pravakacyjnuju rekłamu
«Samy čas admyć hrachi». Baranavicki zavod paraškoŭ zrabiŭ seksualnuju kałabaracyju
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
[Zredahavana]