«Samy čas admyć hrachi». Baranavicki zavod paraškoŭ zrabiŭ seksualnuju kałabaracyju
Krychu dziŭnuju rekłamu z błohierkaj z Baranavičaŭ, jakaja sprabuje liznuć butelku z hielem dla prańnia, vypuściŭ zavod bytavoj i pramysłovaj chimii «Barchim». Imavierna, kreatyvili dla taho, kab paradavać premjer-ministra Hałoŭčanku.
Pakul kaśmietyčny brend Luxvisage zamaŭlaje rekłamu ŭ rasijskich błohierak (u tym liku, u Ksienii Sabčak), inšaja kampanija vyrašyła padtrymać ajčynnych.
Biełaruski vytvorca bytavoj i pramysłovaj chimii «Barchim» vypuściŭ «samy zaradžany žanočaj enierhijaj» srodak dla prańnia razam z błohierkaj z Baranavičaŭ Karalinaj Šadurskaj.
Dziaŭčyna maje bolš za 47 tysiač padpisčykaŭ u instahramie. Niadaŭna jana pachvaliłasia ŭłasnaj limitavanaj partyjaj hielu dla prańnia.
— Što abjadnoŭvaje ŭsich roznych žančyn? Naprykład, žančynu-pracaholika, žančynu-maci ci žančynu-vamp? Usiomahutnaść! — viesieła kaža Karalina ŭ roliku.
Błohierka padkreślivaje, što heta — «samy zaradžany žanočaj enierhijaj» srodak dla prańnia. Padychodzić jon vyklučna dla čornych rečaŭ. Na butelcy źmieščana fota błohierki, a taksama jość paznaka: «antystatyk pracuje tak, što nie prylipnie nivodny abjuzier».
Zakančvaje rekłamny rolik Karalina šmatznačnaj frazaj:
— Samy čas admyć hrachi minułaha hoda.
«Barchim», zdajecca, vynikam zadavoleny, bo z aficyjnaha akaŭntu pradpryjemstva Karalinie napisali kamientaryj: «Z takoj padrychtoŭkaj užo na hetym tydni zakryjem prodaž!».
Imavierna, rekłama ŭ instahramie — reakcyja «Barchima» na krytyku premjer-ministra Ramana Hałoŭčanki. Paŭtara miesiaca tamu čynoŭnik aburaŭsia vynikami pracy chołdynhu «Biełresursy» i vykazaŭ sumnievy ŭ metazhodnaści jaho isnavańnia.
Tady dastałasia, u tym liku, i «Barchimu», jaki pa niejkich pryčynach nie asvoiŭ dla siabie internet-handal, pracu na markietpłejsach.
Biełaruski aburajucca advent-kalendarom ad Luxvisage — i nie tolki z-za cany
«2640 rubloŭ za 2 dni». Jak błohierka abychodzić zabaronu na manietyzacyju tyktoku ŭ Biełarusi
«U mianie pryjom kaštuje 120 rubloŭ, čamu ja pavinna pracavać za 44, bł**, rubli?!» Daktary abmiarkoŭvajuć rehulavańnie cen
Viadomaj błohiercy, pamierłaj ad raku, pastavili kranalny pomnik
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami69
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem77
Kamientary