«2640 rubloŭ za 2 dni». Jak błohierka abychodzić zabaronu na manietyzacyju tyktoku ŭ Biełarusi
Aficyjna zarablać na tyktoku ŭ Biełarusi nielha. Jak i dla Rasii, dla našaj krainy adklučana manietyzacyja. Biełaruskaja błohierka nie tolki znajšła varyjant abyści pieraškodu, ale i pradaje jeŭrapiejskija akaŭnty błohieram-pačatkoŭcam.
Kryścina Levina — davoli viadomaja ŭ Biełarusi vytvorca draŭlanych sumačak z ručnym rośpisam (jana stvaryła ŭłasny brend Moluzela). Dziaŭčyna taksama navučaje stvareńniu takich sumačak, a jašče viadzie kansultacyi pa asabistym brendzie.
Na akaŭnty błohierki ŭ instahramie i tyktoku padpisanyja dziasiatki tysiač čałaviek. I na hetym pradprymalnaja dziaŭčyna taksama ŭžo zarablaje. Padklučyć manietyzacyju tyktoku ŭ jaje atrymałasia ŭ žniŭni (pryjšłosia zavieści akaŭnt, aŭtar jakoha byccam by znachodzicca ŭ Francyi). Kryścina raspaviadała, što pieršyja try miesiacy zarablała dadatkova na sacyjalnaj sietcy kala 90 jeŭra štomiesiac. Potym užo pa 200 jeŭra za 11 dzion.
Ciapier dziaŭčyna chvalicca, što prykładna 30% svajoj ipateki (jana nabyła kvateru ŭ «Zialonaj havani») zakryvaje prybytkami z tyktoku. Da zdymak videa błohierka padklučyła navat svaju babulu, jakaja pahadziłasia źjaŭlacca ŭ kadry. Za dva dni na 5 videa ź jaje ŭdziełam Kryścina zarabiła 715 jeŭra, ci kala 2640 rubloŭ.
Kryścina pradaje «francuzskija» akaŭnty ŭ tyktoku dla błohieraŭ ź Biełarusi i Rasii, jakija chočuć zarablać u papularnaj sacyjalnaj sietcy. Tłumačyć, što daje dostup da pustoha akaŭntu, čałaviek pastupova zalivaje tudy svaje videa, a kali ŭ jaho atrymajecca naźbirać 10 tysiač padpisčykaŭ, pačynaje atrymlivać hrošy ad tyktoku.
— Na karejskim akaŭncie treba, darečy, nabrać 50 tysiač padpisčykaŭ. Rabicie francuzski akaŭnt, pakul praviły nie źmianilisia.
Kali ŭ kastryčniku Kryścina pradavała «francuzskija» akaŭnty za 70 jeŭra, to ciapier jana choča za kožnuju staronku pa 120. Tym, chto nabudzie akaŭnt praź jaje pasiarednictva, jana taksama abiacaje dać kantakty ludziej, jakija dapamohuć vyvieści hrošy.
— Za 120 jeŭra vy atrymlivajecie nie prosta akaŭnt. Ja zaŭsiody na suviazi sa svaimi pakupnikami. Techničnyja prablemy, bany, paćviardžeńnie asoby, pamiatka pa vykarystańni akaŭnta ŭ pieršyja 10 dzion, kantakty pasiarednika (jaki vyvodzić hrošy na kartu biaśpiečna za 20 chvilin). I miljon pytańniaŭ, jakija ŭ vas potym uźnikajuć, tamu što strašna i vy jak ślapyja kacianiaty ŭ hetym.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary
🇨🇳 Vo dzie navina! Tyktokam nie karystajusia, i zaŭždy zdavałasia, što dla RB u im haryć vielmi zialonaje śviatło. Jak ža tak kitajskija tavaryšy prakinuli svaich viernych siabrukoŭ? :)