Nadzieja Mialeška — biełaruskaja błohierka, na jakuju ŭ instahramie byli padpisanyja bolš za paŭmiljona čałaviek. Kala troch hadoŭ jana zmahałasia z ankałohijaj i pryśviaciła toj baraćbie knihu. Ale, na žal, cudu nie zdaryłasia — letaś Nadzieju pachavali na minskich mohiłkach Lasnyja.
Nadzieja była zamužam za eks-forvardam biełaruskaj zbornaj pa chakiei i minskaha «Dynama» Dźmitryjem Mialeškam. Ich historyjaj kachańnia i tym, jak mužčyna padtrymlivaŭ žonku ŭ ciažkija momanty, mnohija zachaplalisia. U siamji raśli dva syny.
U studzieni 2020 hoda ŭ Nadziei Mialeški vyjavili rak hrudziej na treciaj stadyi. U lipieni taho ž hoda chvaroba ŭ błohierki pierajšła ŭ stadyju remisii. Ale ŭ 2021-m rak viarnuŭsia, daktary znajšli ŭ błohierki mietastazy ŭ piečani.
U pošukach nadziei na vyratavańnie siamja pierajechała ŭ Hiermaniju. Błohierka zapuściła dabračynny fond u padtrymku ankachvorych. Jana taksama napisała knihu, pryśviečanuju svajoj chvarobie, — «Ranica nadychodzić zaŭsiody», patrymać jakuju ŭ rukach nie paśpieła. Paśla publikacyi kniha chutka stała bestseleram.
Nadzieju pachavali viasnoj 2023 hoda na minskich mohiłkach Lasnyja. Praź niekatory čas Dźmitryj Mialeška z synami vyrašyli viarnucca z Hiermanii i ciapier žyvuć u Biełarusi.
Videa z pomnikam na mahile Nadziei niadaŭna apublikavała ŭ tyktoku firma, jakaja, vierahodna, jaho rabiła na zamovu. Na marmury vyrašyli vyhraviravać tuju samuju frazu, jakaja stała nazvaj knihi błohierki — «Ranica nadychodzić zaŭsiody».
Pamierła Nadzieja Mialeška — papularnaja błohierka i žonka chakieista zbornaj. Jana pakinuła na vypadak śmierci kranalny post
Žonka viadomaha biełaruskaha chakieista zapuściła dabračynny fond dla chvorych na rak
Chakieist Dźmitryj Mialeška, čyja žonka Nadzieja pamierła ad ankałohii, vykłaŭ fota ź siabrami — i atrymaŭ chvalu paprokaŭ
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary