«Самы час адмыць грахі». Баранавіцкі завод парашкоў зрабіў сэксуальную калабарацыю
Крыху дзіўную рэкламу з блогеркай з Баранавічаў, якая спрабуе лізнуць бутэльку з гелем для прання, выпусціў завод бытавой і прамысловай хіміі «Бархім». Імаверна, крэатывілі для таго, каб парадаваць прэм’ер-міністра Галоўчанку.
Пакуль касметычны брэнд Luxvisage замаўляе рэкламу ў расійскіх блогерак (у тым ліку, у Ксеніі Сабчак), іншая кампанія вырашыла падтрымаць айчынных.
Беларускі вытворца бытавой і прамысловай хіміі «Бархім» выпусціў «самы зараджаны жаночай энергіяй» сродак для прання разам з блогеркай з Баранавічаў Каралінай Шадурскай.
Дзяўчына мае больш за 47 тысяч падпісчыкаў у інстаграме. Нядаўна яна пахвалілася ўласнай лімітаванай партыяй гелю для прання.
— Што аб'ядноўвае ўсіх розных жанчын? Напрыклад, жанчыну-працаголіка, жанчыну-маці ці жанчыну-вамп? Усёмагутнасць! — весела кажа Караліна ў роліку.
Блогерка падкрэслівае, што гэта — «самы зараджаны жаночай энергіяй» сродак для прання. Падыходзіць ён выключна для чорных рэчаў. На бутэльцы змешчана фота блогеркі, а таксама ёсць пазнака: «антыстатык працуе так, што не прыліпне ніводны аб'юзер».
Заканчвае рэкламны ролік Караліна шматзначнай фразай:
— Самы час адмыць грахі мінулага года.
«Бархім», здаецца, вынікам задаволены, бо з афіцыйнага акаўнту прадпрыемства Караліне напісалі каментарый: «З такой падрыхтоўкай ужо на гэтым тыдні закрыем продаж!».
Імаверна, рэклама ў інстаграме — рэакцыя «Бархіма» на крытыку прэм'ер-міністра Рамана Галоўчанкі. Паўтара месяца таму чыноўнік абураўся вынікамі працы холдынгу «Белрэсурсы» і выказаў сумневы ў мэтазгоднасці яго існавання.
Тады дасталася, у тым ліку, і «Бархіму», які па нейкіх прычынах не асвоіў для сябе інтэрнэт-гандаль, працу на маркетплэйсах.
Беларускі абураюцца адвэнт-календаром ад Luxvіsage — і не толькі з-за цаны
«2640 рублёў за 2 дні». Як блогерка абыходзіць забарону на манетызацыю тыктоку ў Беларусі
«У мяне прыём каштуе 120 рублёў, чаму я павінна працаваць за 44, бл**ь, рублі?!» Дактары абмяркоўваюць рэгуляванне цэн
Вядомай блогерцы, памерлай ад раку, паставілі кранальны помнік
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары