Premjer-ministr Raman Hałoŭčanka na naradzie ab pierśpiektyvach raźvićcia chołdynhu «Biełresursy» vykazaŭ sumnieŭ u samoj metazhodnaści jaho isnavańnia.
Zasłuchaŭšy pradstaŭlenyja na naradzie statystyčnyja pakazčyki i stratehiju chołdynhu, jon zajaviŭ, što asablivych pierśpiektyŭ jaho dalejšaha inviestycyjnaha raźvićcia nie prahladajecca.
«Ličby ŭpartyja, jany śviedčać pra istotnaje skaračeńnie srodkaŭ, jakija nakiroŭvajucca na inviestycyi», — skazaŭ Hałoŭčanka ŭ videafrahmiencie, apublikavanym pres-słužbaj urada.
Pavodle jaho słoŭ, navat prabiežny analiz zaśviedčyŭ, što pradpryjemstvy, jakija vyrablajuć tavary spažyvieckaha pryznačeńnia, u pryvatnaści «Barchim», Barysaŭski zavod płastmasavych vyrabaŭ, pakul pa niejkich pryčynach nie asvoili dla siabie internet-handal, pracu na markietpłejsach.
«Zamiest ich heta paśpiachova robiać pasiaredniki ŭ vyhladzie indyvidualnych pradprymalnikaŭ i hetak dalej. Niaŭžo kirujučaja kampanija chołdynhu hetaha nie bačyć? A nakrutki tam vielmi prystojnyja ŭ paraŭnańni z adpusknoj canoj.
Tamu chaciełasia b razumieć, što dalej budzie adbyvacca z chołdynham, i jaho pierśpiektyvy isnavańnia ŭ takim vyhladzie, metazhodnaść zachavańnia takoj struktury ŭ dalejšym dla dziaržavy. Ci nie pieraškadžaje jana raźvićciu pradpryjemstvaŭ albo aŭtanomna, albo ŭ składzie bolš profilnych dziaržaŭnych struktur?», — zadaŭsia pytańniem čynoŭnik.
Chołdynh «Biełresursy» stvorany ŭ studzieni 2014 hoda. U abjadnańnie ŭvachodziać 15 arhanizacyj — rezidentaŭ Biełarusi, asnoŭnymi vidami dziejnaści jakich, jak adznačajecca na sajcie arhanizacyi,
«źjaŭlajucca aptovy i roźničny handal mietałapradukcyjaj, chimičnaj pradukcyjaj, huma-techničnymi vyrabami, budaŭničymi materyjałami, vytvorčaść pradukcyi vytvorča-techničnaha pryznačeńnia i tavaraŭ narodnaha spažyvańnia, vyrabaŭ z płastmas, plonki, sintetyčnych myjnych srodkaŭ, kardonnaj upakoŭki, zbor (narychtoŭka) druhasnych materyjalnych resursaŭ i ich pierapracoŭka, arhanizacyja pracedur zakupak tavaraŭ, rabot, pasłuh, u tym liku dziaržaŭnych, akazańnie łahistyčnych, brokierskich i inšych pasłuh».
«Štadler» nie maje namieru pradavać zavod u Fanipali. Choć biełaruskija čynoŭniki śćviardžali inšaje
Biełkaapsajuzu daduć novyja kredyty
Dla pracy ź dziećmi pradziusarski centr niaviestki Łukašenki prydumaŭ biełaruskich transformieraŭ
Čatyry biełaruskija kampanii trapili ŭ top-50 najbujniejšych zamiežnych pradpryjemstvaŭ u Rasii
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary