U Rasii chacieli naniać dvornikaŭ z KNDR, ale «nie paciahnuli pa zarpłacie»
Kiraŭnik Arenburha Albiert Jumadziłaŭ zajaviŭ, što haradskija ŭłady płanavali pryciahnuć da prybirańnia vulic hramadzian Paŭnočnaj Karei, adnak sutyknulisia ź niepieraadolnym finansavym barjeram. Kamunalniki z KNDR admovilisia pracavać za prapanavanyja 55 tysiač rasijskich rubloŭ (heta 2000 biełaruskich).
«Nakolki ja viedaju, rabočyja z Paŭnočnaj Karei na 55 tysiač nie pajeduć. Tam uzrovień zarabotnaj płaty ŭ 2—3 razy bolšy. Zrazumieła, u ich i KPD bolšy, jany pracujuć jak robaty, ja bačyŭ na svaje vočy… Ale my prosta pa zarpłacie nie paciahniem», — cytuje Jumadziłava miascovy partał 1743.ru.
Zatoje ŭ horadzie paśpiachova pryžyŭsia inšy ekśpierymient — z rabočymi ź Sieniehała. Pieršyja 10 afrykanskich dvornikaŭ źjavilisia ŭ Arenburhu ŭ krasaviku, ciapier ich kolkaść vyrasła da 31, i čakajecca pryjezd jašče čatyroch. Mer vielmi zadavoleny ich pracaj: sieniehalcy biaruć nie bolš za miascovych, ale hatovyja vykonvać samuju ciažkuju i brudnuju pracu, vychodzić na źmieny pa subotach i niadzielach.
Rasija aktyŭna viarnułasia da praktyki najmu paŭnočnakarejcaŭ u abychod sankcyj AAN. Adnak, pavodle dadzienych rasśledavalnikaŭ, zarobak rabočych z KNDR idzie naŭprost dziaržavie, sami jany ŭtrymlivajucca ŭ RF u rabskich umovach pad nahladam śpiecsłužb, a svaju dolu hrošaj mohuć atrymać tolki paśla viartańnia na radzimu.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić18
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna55
Kamientary