Na Brasłaŭskaj vyratavalnaj stancyi supracoŭniki Tavarystva ratavańnia na vodach dapamahli dvum turystam z Kitaja, jakich mocny viecier adnios na łodcy daloka ad bieraha.
Incydent adbyŭsia ŭviečary 12 lipienia na adnym z azior kala Brasłava. Zamiežnyja hości katalisia na łodcy, ale praz mocnyja paryvy vietru nie zmahli samastojna viarnucca na bazu adpačynku. Pastupova ich adniesła na adkrytuju vadu, dzie jany pačali tracić aryjentacyju.
Paśla atrymańnia paviedamleńnia pra zdareńnie ratavalniki chutka vyjechali na miesca i znajšli łodku. Turystaŭ uziali na bort katara i biaśpiečna dastavili na bierah. Miedycynskaja dapamoha im nie spatrebiłasia.
U Tavarystvie ratavańnia na vodach nahadvajuć, što padčas adpačynku na vadzie nieabchodna ŭličvać nadvorje i siłu vietru, asabliva pry vykarystańni nievialikich łodak i inšych płavalnych srodkaŭ.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary