13 lipienia pravaabaroncy pryznali palitviaźniami jašče 7 čałaviek. Ahulnaja kolkaść ludziej, jakija na siońnia pryznanyja ŭ Biełarusi palitviaźniami, składaje 860 čałavieki.
U śpis palitźniavolenych dadali nastupnyja proźviščy:
Alena Śvirydzienka, Ihar Śvirydzienka, Pavieł Kučeryn, Alaksandr Pieleš, Alaksiej Ihnacienka, Jaŭhien Cimašuk, Alaksiej Ramasiuk.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 860 čałavieki. Apošnim časam ahulnaja ich kolkaść istotna nie raście i navat źmianšajecca, časam zaŭvažna. Ale heta nie tamu, što represii ŭ Biełarusi źmianšajucca, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Niekatorych vyzvalajuć i pa pamiłavańniach, u tym liku pry pasiarednictvie ZŠA, choć na ich miesca niaspynna nabirajuć novych viaźniaŭ. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ bolšaja. Pra niekatorych pravaabaroncam prosta ničoha nie viadoma.
U dačynieńni da byłoha palitviaźnia Paŭła Mažejki raspačali novuju kryminalnuju spravu
«A potym čuju voklič kantralora: «Puškin, ty što daŭbanuŭsia?». Mikałaj Dziadok raskazaŭ pra apošnija dni Alesia Puškina ŭ turmie
«Ja nie chadžu ŭ sud, mianie nosiać u kajdankach». List Alesia Puškina da Valancina Stefanoviča z-za krataŭ
«Ciapierašni status niedaloki ad bamžackaha». Były palitviazień Ihar Karniej raskazaŭ pra prablemy ź lehalizacyjaj
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary