«Stały dla kuni». Biełaruski vytvorca mebli zrabiŭ pravakacyjnuju rekłamu
«Pačakajcie, dyk jon dla kuchni? Admianiajcie zamovu», — pišuć u kamientaryjach.
Kab prarekłamavać meblu ŭłasnaj vytvorčaści, biełaruskaja kampanija Domus pasprabavała śpiekulavać na temie aralnaha seksu.
Pravakacyjnaje videa firma apublikavała na svajoj staroncy ŭ instahramie. U im žančyna, šyroka rassunuŭšy nohi, siadzić na kuchonnym stale. Kala jaje hałavy bačny nadpis: «Stały dla kuni». Kali apieratar mianiaje rakurs, tekst źmianiajecca na «Stały dla kuchni». Hladač bačyć, što pamiž noh žančyny siadzić mužčyna ŭ kiepcy Domus, jaki niešta ramantuje.
Podpis da videa šmatznačny: «Zamaŭlajcie stały dla kuchni i nie tolki». Rolik staŭ virusnym i nabraŭ užo amal 6 miljonaŭ prahladaŭ.
U kamientaryjach šmat žartujuć: niechta pytajecca, ci nie patrebny kampanii novyja supracoŭniki, niechta prosić paznačać, jakuju vahu ŭtrymlivaje stoł (i ŭdakładniaje, što chutka 8 Sakavika).
Asudžalnyja kamientaryi taksama jość, ale pazityŭnych značna bolš. Samy papularny, jaki nabraŭ bolš za 35 tysiač łajkaŭ, hučyć tak: «Dajcie SMM-ščyku premiju, kali łaska».
«Ludzi saromielisia, što pryjechali. Jašče i kantrakt na hod padpisvaješ». Błohiery raskazali pra zakuliśsie kastynhu na praŭładnaje realici-šou
«Samy čas admyć hrachi». Baranavicki zavod paraškoŭ zrabiŭ seksualnuju kałabaracyju
Jak u školnyja elektronnyja dziońniki trapiła rekłama piva? Źjaviłasia tłumačeńnie
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
StAły dla Ku...Ni( tobta dastatkova darosły)