Hienieralnaja prakuratura nakiravała ŭ sud kryminalnuju spravu ŭ dačynieńni da čatyroch hramadzian Biełarusi va ŭzroście ad 58 da 63 hadoŭ. Ich abvinavačvajuć u sprobie niezakonna zavałodać nieruchomaściu zamiežnych hramadzian ahulnym koštam bolš za adzin miljon dalaraŭ.
Pavodle viersii śledstva, abvinavačanyja ŭvachodzili ŭ skład mižnarodnaj złačynnaj hrupy, u jakuju, akramia ich, uvachodzili jašče bolš za 17 čałaviek. Z 2021 pa 2025 hod jany dziejničali na terytoryi Biełarusi i Rasii.
Jak śćviardžaje prakuratura, udzielniki schiemy sprabavali aformić prava ŭłasnaści na kvatery ŭ Maskvie, jakija naležali pamierłym abo praciahły čas adsutnym uładalnikam. Dla hetaha vykarystoŭvałasia pracedura ŭstupleńnia ŭ spadčynu.
Pavodle materyjałaŭ spravy, fihuranty vyrablali padroblenyja piačatki, štampy, paśviedčańni i inšyja aficyjnyja dakumienty z vykarystańniem kampjutarnaj i drukarskaj techniki. Jany taksama ŭnosili ŭ dakumienty zaviedama chłuślivyja źviestki i padrablali podpisy ad imia inšych asob.
Adnamu z abvinavačanych dadatkova inkryminujecca niezakonnaje abychodžańnie z bojeprypasami.
Dziejańni abvinavačanych kvalifikavanyja pa niekalkich artykułach Kryminalnaha kodeksa, jakija praduhledžvajuć adkaznaść za zamach na machlarstva ŭ asabliva bujnym pamiery, stvareńnie i vykarystańnie padroblenych dakumientaŭ, a taksama šerah inšych złačynstvaŭ. Troje z čatyroch abvinavačanych znachodziacca pad vartaj.
11‑hadovy chłopčyk u Minsku pavieryŭ machlaram i addaŭ im baćkoŭskija źbieražeńni
Minčanka addała afierystam bolš za 50 tysiač dalaraŭ, zakłaŭšy kvateru, i aformiła 15 SIM-kart
Piensijanier z Homiela pavieryŭ machlaram, pradaŭ kvateru, nabraŭ pazyk i addaŭ hrošy
«Vam kaniec». Jak minčuk čatyry dni vadziŭ za nos machlaroŭ i čym skončyłasia
Kamientary