Piensijanier z Homiela pavieryŭ machlaram, pradaŭ kvateru, nabraŭ pazyk i addaŭ hrošy
U Homieli 60‑hadovy mužčyna staŭ achviaraj šmatstupieńčataj afiery, pazbaviŭšysia žylla i hrošaj.
Usio pačałosia ŭ mai z banalnaha zvanka nibyta sa słužby dastaŭki: hamialčuk pradyktavaŭ kod z SMS, paśla čaho jaho zapałochali fejkavyja «siłaviki».
Mužčynu pierakanali, što jahonyja dadzienyja skradzienyja, i kab vyratavać majomaść, treba terminova i tajemna pradać kvateru.
Piensijanier chutka znajšoŭ pakupnikoŭ i pradaŭ žyllo za $51 000.
Z hetych hrošaj kuratary dazvolili jamu pakinuć sabie na žyćcio tolki $200, a astatniaje jon pieradaŭ dziaŭčynie-kurjeru.
Na hetym machlary nie spynilisia i prymusili mužčynu ŭziać u rasterminoŭku dva darahija fłahmanskija smartfony, jakija jon taksama addaŭ złačyncam.
Ahulnaja suma strataŭ pieravysiła $54 000.
Kurjera — 26‑hadovuju žycharku Hrodna — užo zatrymali: vyjaviłasia, što jaje raźviali pa padobnaj schiemie i prymusili pracavać «sakretnym inkasataram», vyvoziačy hrošy ašukanych biełarusaŭ u Maskvu.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary