Пенсіянер з Гомеля паверыў махлярам, прадаў кватэру, набраў пазык і аддаў грошы
У Гомелі 60‑гадовы мужчына стаў ахвярай шматступеньчатай аферы, пазбавіўшыся жылля і грошай.
Усё пачалося ў маі з банальнага званка нібыта са службы дастаўкі: гамяльчук прадыктаваў код з СМС, пасля чаго яго запалохалі фэйкавыя «сілавікі».
Мужчыну пераканалі, што ягоныя дадзеныя скрадзеныя, і каб выратаваць маёмасць, трэба тэрмінова і таемна прадаць кватэру.
Пенсіянер хутка знайшоў пакупнікоў і прадаў жыллё за $51 000.
З гэтых грошай куратары дазволілі яму пакінуць сабе на жыццё толькі $200, а астатняе ён перадаў дзяўчыне-кур'еру.
На гэтым махляры не спыніліся і прымусілі мужчыну ўзяць у растэрміноўку два дарагія флагманскія смартфоны, якія ён таксама аддаў злачынцам.
Агульная сума стратаў перавысіла $54 000.
Кур'ера — 26‑гадовую жыхарку Гродна — ужо затрымалі: выявілася, што яе развялі па падобнай схеме і прымусілі працаваць «сакрэтным інкасатарам», вывозячы грошы ашуканых беларусаў у Маскву.
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары