Pamiatajecie Vajciachoŭskaha z Baranavič, jaki ciškom viarnuŭsia praz kamisiju Švieda? Jaho ŭsio adno asudzili
Byłoha zasnavalnika baranavickaj haziety sudzili pa čatyroch palityčnych kryminałkach.
U milicejskim «śpisie ekstremistaŭ» źjaviłasia imia aktyvista Anatola Vajciachoŭskaha, jaki ŭ pačatku hoda viarnuŭsia ŭ Biełaruś z palityčnaj emihracyi. Pierad hetym jon razam sa svaim susiedam Uładzimiram Usieram adzdymaŭsia ŭ prapahandysckim filmie BT. A paśla śmierci Usiera Vajciachoŭski napisaŭ u kamisiju pa viartańni. Prosta na miažy jon daŭ jašče adno intervju BT.
Čytajcie taksama: Aktyvist ź Biełastoka, jaki ciškom viarnuŭsia ŭ Biełaruś, byŭ u kiraŭnictvie «Narodnaj hramady»
Jak akazałasia, Vajciachoŭskaha ŭsio ž asudzili — adrazu pa čatyroch palityčnych artykułach:
- č. 3 art. 361 KK — «Zakliki da sankcyj».
- č. 2 art. 367 KK — «Paklop na Łukašenku».
- č. 2 art. 368 KK — «Abraza Łukašenki».
- č. 1 art. 361‑4 KK — «Sadziejničańnie ekstremisckaj dziejnaści».
Minimum, jaki jon moh atrymać pa hetych artykułach — čatyry hady kałonii. Adnak Vajciachoŭskamu dali chatniuju chimiju.
Tym nie mienš jon zastajecca «ekstremistam» z usimi abmiežavańniami, jakija vynikajuć z hetaha statusu.
Da paślavybarčych pratestaŭ 2020 hoda Vajciachoŭski ź siamjoj žyŭ u Baranavičach, peŭny čas pracavaŭ na rajonnym vuźle elektrasuviazi. U siaredzinie 1990‑ch Vajciachoŭski staŭ adnym z zasnavalnikaŭ miascovaj haziety «Šah». Heta adna ź pieršych pryvatnych haziet horada i niekali adna z samych papularnych, jaje nakład siahaŭ 11 tysiač ekzemplaraŭ. Paźniej jana pierafarmatavałasia ŭ čysta rekłamnuju. U pačatku 2000‑ch Vajciachoŭski syšoŭ z žurnalistyki, staŭ pradprymalnikam. Jon zajmaŭsia miedycynaj i tavarami dla zdaroŭja.
U 2023 hodzie Vajciachoŭskaha zatrymaŭ HUBAZiK — za toje, što Anatol pakidaŭ u telehramie kamientaryi suprać rasijskaha ŭvarvańnia va Ukrainu i hvałtu siłavikoŭ, ale kali jaho vypuścili, jon apieratyŭna evakujavaŭsia za miažu pry dapamozie «Bajsoła».
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
-
Hramadzianina Čechii, jaki pryjechaŭ da chvoraj maci ŭ Biełaruś, asudzili na šeść hadoŭ
-
Unikalny teleskop viarnuli na vierchniuju placoŭku absiervatoryi Minskaha płanietaryja
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
Ja nikuda nie vyjechał. No čuvstvo ožidanija stuka v dvieŕ nie otpuskajet. I nie fakt, čto otpustit.