«Ukruci hłybiej»: sietka vinnych kram zrabiła rekłamu da 8 sakavika z seksualnym padtekstam
Kreatyŭ markietołahaŭ sietki kram ałkaholnych napojaŭ «Štopar» acanili nie ŭsie pakupniki. Ale ž ź niehatyvam tyja zmahajucca prosta: baniać ludziej, jakija nie pryjšli ŭ zachapleńnie ad rekłamy akcyi.
«Štopar» — heta sietka kram u Biełarusi, dzie handlujuć ałkaholnymi napojami z roznych krain śvietu.
Učora ŭ ich instahramie źjaviłasia rekłama z šmatsensoŭnym zahałoŭkam «Ukruci hłybiej»: abiacajuć 69 pazicyj da 8 sakavika (ličba 8 pry hetym pierakulenaja na bok jak znak biaskoncaści).
U tekście dopisu ničoha aryhinalnaha niama — zvyčajnaja infarmacyja pra akcyju.
Ale ž bolšaść karystalnikaŭ taki seksualny kantekst da Mižnarodnaha dnia žančyn nie acaniła. Ludzi pišuć, što paśla takoha nie buduć ničoha nabyvać tut. A niechta navat namiaknuŭ na toje, što ŭ Ministerstvie antymanapolnaha rehulavańnia taksama mohuć razhladzieć takuju rekłamu.
Ź instahrama abureńnie pajšło i ŭ Threads. Adna z karystalnic hetaj sacsietki raspaviała, što napisała kamientar «Štoparu», ale jaho apieratyŭna vydalili (razam ź inšymi anałahičnymi), a samu dziaŭčynu zabanili.
«Stały dla kuni». Biełaruski vytvorca mebli zrabiŭ pravakacyjnuju rekłamu
«Samy čas admyć hrachi». Baranavicki zavod paraškoŭ zrabiŭ seksualnuju kałabaracyju
«Vy zvyčajnuju palikliniku vystavili piekłam». Pryvatnaja žanočaja klinika zrabiła virusnuju rekłamu, ale atrymała chvalu chejtu
Biełaruskaja błohierka krykam i łajankaj rekłamuje brendy — zatoje źbiraje miljony prahladaŭ
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary