Biełaruskaja błohierka krykam i łajankaj rekłamuje brendy — zatoje źbiraje miljony prahladaŭ
Niahledziačy na toje, što styl pavodzin u kadry ŭ biełaruskaj błohierki Viktoryi Hruk davoli chamski, ad zachoplenych rekłamadaŭcaŭ u jaje niama adboju.
Minskaja błohierka Viktoryja Hruk maje kala 54 tysiač padpisčykaŭ u instahramie i bolš za 237 tysiač u tyktoku. Jaje «sumlennyja ahlady» źbirajuć miljony prahladaŭ. Hałoŭnaja fiška žančyny — kryki, aktyŭnyja ruchi i łajanka. Ale heta nie biantežyć brendy — jany zamaŭlajuć u Viktoryi rekłamu mienavita praź jaje styl.
Naprykład, jaje videa z kramy Bershka nabrała ŭ tyktoku 4,8 miljona prahladaŭ. Zvyčajna ŭ rekłamnych ahladach błohiery prymiarajuć adzieńnie, raschvalvajuć jaho i ahučvajuć ceny.
Ale ž heta nie ŭ styli Viktoryi. Jana trasie pierad kamieraj biełymi topikami, jakija naviedvalnicy kramy zapeckali kaśmietykaj padčas prymierki. Błohierka adčytvaje nieachajnych žančyn, nie škadujučy niecenzurnych słoŭ.
— Kłasny topik, jakasny materyjał, 65.99, u Bershka. Tvary svaje navošta vycirać?!
U Stradivarius Viktoryja ŭžo kryčała i na mužčyn, i na žančyn — bo joj padałosia, što na adnoj z sukienak u zali niechta pakinuŭ ślady svajoj śpiermy.
Inšy farmat rolikaŭ ad Viktoryi — vielmi chutka pakazvać rečy i potym adkidvać ich, ceny hučać taksama chutka.
Niekalki dzion tamu błohierka naviedała Pull&Bear. Jana pakazvała letnija bodzi i ahučvała ich ceny, ale adnačasova i krytykavała žančyn za toje, što dzie-nidzie pabačyła na rečach ślady tanalnaha kremu.
Pierad plažnym siezonam Viktoryja adpraviłasia ŭ Mark Formelle, kab matyvavać mužčyn nabyć tam sabie płaŭki.
— Mužyki, uvaha, vašy ściohny na plažy ŭ zvyčajnych trusach vyvalvać nieprystojna.
Jana paskardziłasia, što ŭžo była na plažy №1 na Minskim mory i bačyła tam šmat mužčyn, jakija chodziać prosta ŭ trusach — a niekatoryja navat u tak zvanych siamiejnikach. Viktoryja raić biełarusam nabyć dla adpačynku płaŭki ŭ Mark Formelle i «nie zajmacca ch*ioj».
Vyklučeńnie z paznavalnaha stylu Viktoryi — videa dla kramy Aršanskaha lnokambinata «Pole kvietak». Na biełaruskaj movie błohierka havoryć bolš pavolna i navat paśmichajecca.
«Vy zvyčajnuju palikliniku vystavili piekłam». Pryvatnaja žanočaja klinika zrabiła virusnuju rekłamu, ale atrymała chvalu chejtu
«Stały dla kuni». Biełaruski vytvorca mebli zrabiŭ pravakacyjnuju rekłamu
Dziaržaŭnaja sietka aptek «Farmacyja» prapanoŭvaje ŭsim, kamu bolš za 30 hadoŭ, vykinuć Apple Watch
Čamu adzieńnie biełaruskich modnych brendaŭ kaštuje tak doraha? Tłumačyć kiraŭnica adnaho ź ich
Kamientary