Пра падрабязнасці крымінальнай справы, разгледжанай 29 ліпеня Мінскім гарадскім судом, паведаміў Вярхоўны суд.
Паводле паведамлення, па справе праходзілі тры чалавекі, названыя толькі па ініцыялах. Але двое з гэтых ініцыялаў добра расшыфроўваюцца, яны фігуравалі ў нашым папярэднім матэрыяле пра гэтую справу — Сяргей Касцючэнка (К-ко С.А.) і Аляксандр Мукавозчык (М.). Прозвішча трэцяга фігуранта — Жукоўскі (Ж.), і ён з'яўляўся, паводле матэрыялаў следства, намеснікам Касцючэнкі.
Абвінавачаныя ўхіляліся ад падаткаў пры дапамозе створанага ТАА «С», двое кіраўнікоў якога, пад ініцыяламі Я. і К-в А.Н., былі «ўведзеныя ў зман». Злачынныя дзеянні рабіліся цягам доўгага часу, з 1 снежня 2007 года па 22 студзеня 2021 года, «у парушэнне Палажэння аб Парку высокіх тэхналогій, шляхам наўмыснага заніжэння падатковай базы, у тым ліку з дапамогай унясення ў падатковыя дэкларацыі загадзя ілжывых звестак».
Агульная сума, з якой не плаціліся падаткі — 1 518 103,92 рубля, гэта значыць, у асабліва буйным памеры.
У выніку ўсе абвінавачаныя былі прызнаныя вінаватымі.
Касцючэнка асуджаны да пазбаўлення волі на тэрмін 3 гады 6 месяцаў са штрафам у памеры 3 000 базавых велічынь у суме 96 000 рублёў з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на тэрмін 5 гадоў.
Мукавозчык і Жукоўскі пазбаўляюцца волі на тэрмін 3 гады і мусяць выплаціць штраф у памеры 3 000 базавых велічынь у суме 96 000 рублёў з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на тэрмін 5 гадоў кожнаму.
Прысуд яшчэ можа быць абскарджаны і апратэставаны ў Вярхоўным судзе.
Чытайце таксама:
Шок у банках: Сяргею Касцючэнку, стваральніку Прыёрбанка, далі тры з паловай года калоніі. Датычны Баскаў?
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну4
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары