Палітзняволены мастак Алесь Пушкін намаляваў сваіх сукамернікаў ФОТЫ
Палітзняволены мастак Алесь Пушкін даслаў новыя малюнкі з серыі «Сукамернікі».
Так стала вядома, што мастака перавялі ў турму на Валадарскага.
Яго новы адрас для лістоў: Аляксандру Мікалаевічу Пушкіну, 220050, Мінск, вул. Валадарскага, 2.
Нагадаем, ён быў затрыманы 30 сакавіка ў весцы Жылічы і абвінавачаны ў «наўмысных дзеяннях, скіраваных на рэабілітацыю і апраўданне нацызму» за намаляваны партрэт беларускага антысавецкага партызана пасляваенных часоў.
Напрыканцы верасня стала вядома, што Алесь Пушкін адмовіўся пісаць прашэнне аб памілаванні.
— Сказаў, што нічога дрэннага не рабіў і падпісваць ніякіх прашэнняў не будзе, — перадавала словы мастака адвакатка.
У турме мастак малюе партрэты сукамернікаў і піша п'есу.
Каментары