Каардынацыйная рада: Калеснікава не збіралася пакідаць Беларусь
Марыя Калеснікава не збіралася пакідаць межы Беларусі, заявіў член Каардынацыйнай рады Максім Знак.
Максім Знак паведаміў «Свабодзе», што не можа пацвердзіць выезд Калеснікавай, Краўцова і Раднянкова ва Украіну.
«Яны не выходзілі на сувязь. Акрамя таго, мы з Марыяй Калеснікавай абмярковалі сітуацыю пасля таго, што здарылася з Вольгай Кавальковай, якую вывезлі ў Польшчу. І Марыя казала, што ні ў якім разе не будзе згодная на выезд з краіны, калі такое здарыцца з ёю».
Учора раніцай Марыю Калеснікаву невядомыя забралі ў машыну з надпісам «Сувязь» каля Нацыянальнага музея. Таксама раніцай зніклі чальцы КР Антон Раднянкоў і Іван Краўцоў.
Сёння раніцай Памежны камітэт паведаміў, што Калеснікава, Раднянкоў і Краўцоў перасеклі мяжу з Украінай на памежным пераходзе «Аляксандраўка» ў Нараўлянскім раёне. На «Беларусь 1» паведамілі, што Калеснікаву на мяжы затрымалі.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары