Звольнены галоўны рэдактар «Звязды» Павел Сухарукаў. Газету ўзначаліў Алесь Карлюкевіч
Павел Сухарукаў, галоўны рэдактар газеты «Звязда» і Выдавецкага дома «Звязда», звольнены са сваёй пасады. На яго месца прызначаны Алесь Карлюкевіч, экс-міністр інфармацыі. Пра гэта TUT.BY паведамілі журналісты выдання.
Нагадаем, што ў панядзелак, 17 жніўня, калектыў дзяржаўнай газеты «Звязда» прапанаваў кіраўніцтву сумленна асвятляць падзеі, якія адбываюцца ў краіне пасля выбараў. У адказ у рэдакцыю прыехаў спачатку міністр інфармацыі Ігар Луцкі, пасля прадстаўніца Адміністрацыі прэзідэнта. Пазней было заяўлена, што Паўла Сухарукава будуць звальняць.
«Звяздоўцы» вырашылі бараніць свайго рэдактара і сабраліся на сход. Падчас сходу пазваніў сам Павел Сухарукаў і паведаміў, што яго ўсё ж не звальняюць. Рашэнне было скасаванае.
Сёння ж стала вядома, што Сухарукаў звольнены.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне17
Каментары