Рэстаратар Вадзім Пракоп'еў, які раней паклікаў на дуэль Аляксандра Лукашэнку, выпусціў чарговы ролік, на гэты раз яшчэ больш радыкальны. У ім рэстаратар звяртаецца да кіраўніка Беларусі.
Пракоп'еў абвінаваціў Лукашэнку ў фальсіфікацыі выбараў.
«Раней ты быў у большасці, гэта давала табе сілы. Але цяпер ты ведаеш расклад, ты ведаеш свой маленечкі рэйтынг, таму і за****», — кажа Пракоп'еў.
Бізнэсмен лічыць, што акружэнне адчувае слабасць Лукашэнкі і падсоўвае яму фальшывую аналітыку. Рэстаратар запэўнівае, што яны толькі за грошы імітуюць лаяльнасць. У роліку ён кажа, што Лукашэнка ў любым выпадку прайграў, «нават калі напакуе турмы бітком і ўвядзе каменданцкую гадзіну».
Пракоп'еў запэўнівае, што Лукашэнка нервуецца, мітусіцца і баіцца. У асобных момантах Пракоп'еў пераходзіць на абразы.
«Беларусаў больш у напарсткі не абдурыць», — працягвае Пракоп'еў. Ён нагадаў прозвішчы выкрадзеных у канцы 90-ых палітыкаў і журналістаў.
«Але ў нас усе хады запісаныя», — папярэджвае Пракоп'еў і абяцае ўсіх, вінаватых у злачынствах, успомніць і пакараць.
Далей рэстаратар зачытаў урывак з артыкула 3 Канстытуцыі, паводле якога народ Беларусі з'яўляецца адзінай крыніцай дзяржаўнай улады.
«Канец блізкі», — завяршыў свой зварот Пракоп'еў, пасля чаго на экране з'явіліся спісы беларускіх палітвязняў і затрыманых 14 ліпеня пратэстоўцаў.
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
Цяпер чытаюць
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары